A Comisión Europea vén de anunciar a concesión dunha axuda de 1,6 millóns de euros para recolocar 1.138 desempregados do sector da construción na Comunidade Valenciana. Sae a 1.400 euros por persoa. Segundo a EPA hai 473.000 traballadores deste sector en situación de desemprego.
Fálase
O grupo de goberno do Concello de Teo, que dirixe Martiño Noriega, convoca aos medios de comunicación esta tarde. Hoxe tamén se reúne a Coordinadora Nacional do Encontro Irmandiño; sobre a mesa está o futuro dos seus militantes que viñeron desempeñando cargos públicos do BNG.
"La oradora interviene en gallego y pronuncia frases en catalán y euskera" A eurodeputada do BNG, Ana Miranda, relata que "así resumen os servizos do Parlamento a miña intervención en galego, català e euskera no Plenario". "As cabinas de interpretación de inglés, francés e outras linguas traducírona sen problemas. A española ficou calada. Por iso aparece en branco o espazo onde debería figurar o texto da intervención", sinala
O PP censura que membros de Galiza Nova participasen nunha protesta contra unha homenaxe a Fraga na USC e afirma "non tolerar" que "o Bloque traslade ese tipo de actitudes tan habituais nas súas asambleas a actos en honor a políticos do PP en xeral e da talla de Manuel Fraga en particular". Ademais, esíxelle aos nacionalistas "unha desculpa" á familia de Fraga.
O Museo do Pobo Galego homenaxea esta tarde a Isaac Díaz Pardo, membro fundador e presidente do seu Padroado. O acto público comezará ás sete e media e nel intervirán Rosa Aneiros, Inma López Silva, Charo Portela e Luz Pozo Garza. Tamén se proxectatá o vídeo Isaac Díaz Pardo, Memoria do compromiso, de Xaime Fandiño. Amosámosvos un fragmento do vídeo realizado por O tempo da memoria.
A Cámara galega aprobou por unanimidade unha proposición para reclamar a Novagalicia Banco a "amortización" inmediata das participacións preferentes nun prazo "máximo de dous meses". Como xa avanzou Praza, NGB precisa dun cambio normativo para poder facer un cambio das preferentes por outros produtos como accións.
Os tres grupos do Parlamento galego pactan unha declaración institucional en lembranza das vítimas do holocausto perpetrado polos nazis. "Manifestamos o noso máis firme compromiso cos dereitos inalienables da persoa e coa liberdade para que non se volva repetir unha tolemia semellante", di o documento.
O estadio de Saint Denís, en París, ofrécese para acoller a final da Copa do Rei entre o Barça e o Athletic de Bilbao. En Vilaweb.
En Portugal, os directivos hospitalarios poderán seguir cobrando máis ca o primeiro ministro, cunha excepción semellante á lei galega de Administración Pública. No Diário de Notícias
Por primeira vez en dous anos e medio, a economía da eurozona padeceu unha caída da actividade de tres décimas no cuartro trimestre de 2011. As medidas de austeridade por, entre outras causas, a crise da débeda, está a pasar seria factura ao proxecto de moeda común. Máis información no Jornal de Negócios