A prensa alemá tamén se fai eco das fotografías de Feijóo co narco Marcial Dorado. O Süddeutsche Zeitung ofrece a información baixo o título De vacacións co narcotraficante
![](https://praza.gal/media/cache/live_image/xornal/uploads/falase/foto/515ae161a9a86-feijoosuddeutsche.png)
A prensa alemá tamén se fai eco das fotografías de Feijóo co narco Marcial Dorado. O Süddeutsche Zeitung ofrece a información baixo o título De vacacións co narcotraficante
O edificio Conde de Fenosa da Coruña non será derrubado. O TSXG declara "inexecutable" a demolición do inmoble, malia que unha sentenza de 2001 obrigaba á súa derruba.
A rexión das Landas cifra en 100 millóns de euros as perdas polo Prestige no sector turístico. Así o asegurou un representante do goberno local no xuízo pola catástrofe marítima. Asegura que o turismo descendeu un 20% tras a marea negra.
O PP acepta que Feijóo compareza no Parlamento sobre as súas fotos con Marcial Dorado a cambio de suprimir a sesión de control ao presidente nese mesmo pleno, segundo vén de avanzar o voceiro do BNG, Francisco Jorquera. Toda a información, esta mañá en Praza.
Esta madrugada faleceu o director Jesús Franco, pioneiro do cinema español de serie B e autor de máis de 200 filmes
Henrique Mariño escribe en Público un retrato de Noelia Moreno, portavoz da acampada en Sol, soltera, nai e dous anos no paro
Le Monde faise eco das fotos "comprometedoras" de Alberto Núñez Feijóo con Marcial Dorado. Onte xa as recollera tamén o italiano Corriere della Sera
Vén de abrirse unha recollida de sinaturas a través de change.org para pedir a dimisión de Alberto Núñez Feijoo polo escándalo provocado polas súas fotos co narco Marcial Dorado
Anxo Quintana: "Se me pasa a min o das fotos, viríame buscar unha parella da Garda Civil". O ex vicepresidente da Xunta quéixase na Cadena Ser da equiparación da súa fotografía cun empresario coas polémicas imaxes de Feijóo e recoñece a "complicada situación" na que queda o xefe do Executivo galego.
O paro baixa en Galicia en marzo, con 1.636 persoas menos. É unha das nove autonomías onde descende o número de desempregados. Máis información, nuns minutos en Praza.