Ao redor de dous de cada tres traballadores da Xunta en San Caetano fixeron folga este 14N segundo a CIG.
Fálase
A prensa de dereitas carga contra a folga nas súas portadas: ABC titula 'Huelga contra España' e La Razón 'Coacción General'. Na súa edición dixital ABC pidelles aos lectores "razones para no ir a la huelga"
Amplo seguimento da folga nas rotativas de La Opinión, La Voz de Galicia e El Ideal Gallego. La Opinión non se publica hoxe e La Voz e Ideal sairon á rúa con edicións reducidas.
A CIG publica un video que amosa a actividade dos piquetes no Poligono do Ceao
Unha pequena carga policial no compostelán Poligono do Tambre remata cun detido. En Ferrol o Ministerio do Interior informa que dúas persoas foron identificadas pola queima dun caixeiro de Novagalicia Banco en Alcalde Usero.
En Portugal a folga xeral ten un "alto" seguimento, segundo a CGTP, cunha elevada incidencia nos transportes nos hospitais e nas industrias de Lisboa.
Segundo os sindicatos o seguimento da folga en Galicia é xeral na industria e en servizos coma os mercados, as lonxas, os transportes e na recollida do lixo. Están parados o sector da automoción en Vigo, Santa Bárbara, Megasa, Navantia, Factoría Naval de Marín, Ferroatlántica, Televés, Castrosúa, Maessa, Estrugasa, Alcoa, Galfor, Crown Cork Ibérica, Faurecia, GKN-Indugasa, Maderas Iglesias, Viza Automoción, Frinsa, Dalphi Metal, Rodman-Polyships, Frinova, Begano, Conservas Calvo, ENCE, Gamesa Eólica, Zara Loxística ou Pull&Bear.
A caida do consumo eléctrico sitúase no 10% nestes momentos. Algo por debaixo dos últimos paros do 29S e do 29M.
Canal Sur e Telemadrid suspenden a emisión pola folga xeral. A TVG advirte de que a súa programación pode verse afectada polo paro.
Paralizada a recollida de lixo na Coruña, en Vigo e no Consorcio das Mariñas, segundo informan os sindicatos. Imaxe de CIG.
