En marcha en Vigo a manifestación das traballadoras e traballadores das centrais de chamadas (contact centers), que este xoves levan a cabo unha folga xeral en toda España en demanda dun convenio colectivo xusto. O sector emprega a preto de 8 mil persoas en Galicia. Ás 20 horas está convocada unha mobilización na Coruña, onde Extel vén de anunciar un ERE que pode deixar na rúa 205 persoas.
Fálase
Pallasos en Rebeldía e o Festival Esperanzah! organizaron en Melilla o Festiclown Frontera Sur, que serviu para protestar contra a política migratoria da UE e, especialmente, contra o “valado da vergoña”, na fronteira con Marrocos, onde realizaron varias accións reivindicativas.
Rajoy asegura que non porá "ningunha condición" ao PSOE para lograr a investidura. Di que sería un "disparate" ir a terceiras eleccións.
A Universidade de Cambridge vén de publicar un estudo sobre o financiamento alternativo en Europa no ano 2015. As plataformas de crowdfunding e outras fórmulas semellantes recadaron en España 50 millóns de euros o pasado ano, un 39% máis que en 2014.
Acusan a Canadá de complicidade coas empresas mineiras ante os abusos a mulleres e nenos, de África a América Latina pasando por Oceanía. As empresas canadianas de explotación mineira -como Edgewater- manteñen unha intensa actividade en moitos países.
As manifestacións de mulleres forzan o goberno polaco a dar marcha atrás na proposta para prohibir totalmente o aborto e perseguir as persoas que o practiquen. Na actualidade só se autoriza nuns certos supostos (violación, malformacións do feto...) e as polacas adoitan ir a Alemaña
Así boicotea España a querela arxentina polos crimes do franquismo que iniciou o galego Darío Rivas. Unha reportaxe de eldiario.es
O popular Agustín Baamonde regresará á alcaldía de Vilalba 11 anos despois. O actual alcalde, Gerardo Criado, pasará ao Senado para remudar a Sandra Vázquez, nova deputada no Parlamento de Galicia polo PP.
Leiceaga prevé asumir a portavocía parlamentaria do PSdeG. Non facelo, di, xeraría máis "inestabilidade" no partido, e matiza que porá o cargo á disposición da nova dirección cando esta sexa elixida. Sinalouno en declaracións á Cadena SER.
O PP non prevé realizar acción ningunha para a investidura ata que o PSOE lle garanta apoio a un novo Goberno de Rajoy. Crónica en eldiario.es