Xa se pode ver en Galiza Ano Cero a entrevista completa co antropólogo Manuel Delgado, que traballa sobre identidades e exclusións en contextos urbanos: "Gañar a rúa xa implica o primeiro paso cara á emancipación"
Fálase
Todas as cidades galegas acolleron manifestacións contra a represión sindical, convocadas por CC.OO., CIG e UGT., e en demanda do indulto para Carlos, Serafín, Ana e Tamara.
Usar Internet no móbil dende outro país da UE será un 55% máis barato a partir de hoxe. O obxectivo é que a finais de 2015 as tarifas de roaming teñan o mesmo prezo en toda a a UE, independentemente do país de orixe do usuario ou usuaria.
O Club Deportivo Ourense, incapaz de pagar as débedas que mantén cos seus futbolistas, descende administrativamente a Terceira División. O clube levaba semanas buscando fórmulas para solucionar estes pagamentos
Rey Varela nega que a voz das gravación da Pokémon sexa a súa. No sumario do caso o alcalde de Ferrol é identificado como Josman, presunto receptor de 3000 euros do grupo Vendex
Julio Flores, tenente de alcalde da Coruña, afirma que o delegado de Vendex en Galicia, José María Tutor, reuniuse con el para "apuntarse un tanto" antes das eleccións. Flores declarou este luns ante Pilar de Lara.
O ministro Ruiz-Gallardón mantén que a malformación do feto non será "xamais" unha causa legal para abortar cando entre en vigor a súa contrarreforma. Cóntao El Diario
Kiko da Silva gaña o Premio Castelao de Banda Deseñada que convoca a Deputación da Coruña coa obra O inferno de debuxante
A Plataforma Sarriana polo Río lanza unha campaña solidaria para tentar xuntar os 20.550 euros "que suman os 35 expedientes sancionadores" abertos pola Subdelegación do Goberno en Lugo por supostas "infraccións graves" durante as protestas contra as obras de encanamento do río. Para a plataforma estas multas son unha "represalia" do delegado gobernamental.
"No BNG somos honestos pero non somos absolutamente gilipollas". Xavier Vence defende a continuidade no cargo do alcalde de Vimianzo, Manuel Antelo, cuxa "imputación non ten nada que ver coa corrupción". "O PP ten unha estratexia de acoso e derrubo con respecto a algún alcalde do BNG, levando ao xulgado todas as decisións que adopta sen que teña nada que ver coa corrupción", di o líder do Bloque.
