O profesorado universitario galego segue pendente da apertura do periodo de acreditacións da Axencia para a Calidade do Sistema Universitario de Galicia (Acsug), que xa acumula un atraso de catro meses. Tanto a Acsug coma a Consellaría de Educación afirman que "está pendente dun trámite administrativo", pero non ofrecen unha data concreta.
Fálase
O Tribunal de Xustiza da UE declara ilegal e anula a controvertida directiva sobre conservación de datos das telecomunicacións de 2006, que obrigaba as compañías telefónicas e operadores de Internet a conservar durante un periodo de seis meses a dous anos os datos sobre as chamadas, correos electrónicos e as conexións a internet e redes sociais realizadas por un cliente
O PP anuncia o seu voto en contra á lei de consultas que está a defender o BNG no Parlamento. Entre os criterios do rexeitamento avanzados por Pedro Puy figura o "apoio" ao veto á consulta pola autodeterminación de Catalunya que hoxe se debate no Congreso.
A reforma da xustiza universal promovida polo PP provoca a saída en liberdade de 8 narcotraficantes. Cóntao a Cadena SER
Os xornalistas Ricardo García Vilanova, Javier Espinosa e Marc Marginedas, secuestrados en Siria e recentemente liberados, gañan a X edición do premio José Couso de Liberdade de Prensa. Máis información, hoxe en Praza.
A esta hora debátese no Parlamento a lei polos dereitos das persoas LGTBI, promovida polo PSdeG e que, segundo varias entidades, o PP "baleirou de contido" durante o seu trámite na Cámara.
O regulador cifra en 1.700 millóns o recorte ás renovables, que afecta máis á eólica e á hidráulica. Considera "paradoxal" que algunhas instalacións melloren a súa retribución mentres outras terán que pechar.
O FROB gastou, cando menos, dous millóns de euros en informes sobre Novagalicia Banco e o Banco Gallego. O Gallego recibiu 1.046 millóns de euros do FROB e o Banco de España, Novagalicia levou 9.054 millóns.
A Facultade de Ciencias da Educación de Ourense promove un proxecto divulgativo arredor da figura dos afiadores e do filme documental A última viaxe do afiador. O proxecto Achega está dirixido a universidades, institutos colexios, concellos, centros culturais e outros colectivos
As empresas galegas, entre as que máis empregan software libre de toda España, segundo un estudo do Observatorio da Sociedade da Información e a Modernización de Galicia (OSIMGA). Tres de cada catro compañías galegas utiliza programas abertos, 3,4 puntos por riba da media estatal.