Trump marcha do cumio do G7 en Canadá antes do seu remate e xusto cando ía comezar a sesión sobre cambio climático. Previamente o presidente dos EUA advertira da súa intención de seguir establecendo novos aranceis ás importacións, entre outras medidas proteccionistas. A imaxe, distribuída polo gabinete de Angela Merkel, ilustra a tensión do encontro, se ben a oficina da chanceler alemá difundiuna como "deliberacións á marxe da axenda oficial".
Axentes forestais gravan un oso pardo a escasos metros nos Ancares lucenses. O vídeo foi divulgado pola asociación Aprafoga. Podes velo con maiores dimensións nesta ligazón.
O Emevé de Lugo confirma a súa participación na máxima categoría do voleibol feminino tras lograr o financiamento que precisaba, garantindo así que inscrición tras o ascenso deportivo
O Concello de Ferrol, o Comité Cidadán de Emerxencia, asociacións cidadás e todos os grupos municipais agás PP e C's homenaxean o activista Carmelo Teixeiro no parque da cidade que leva o seu nome. Teixeiro, falecido en 2008, foi un dos primeiros impulsores da oposición cidadá contra Reganosa e estivo implicado en numerosos movementos políticos e sindicais ferroláns.
Sánchez e Torra acordan reunirse nos "vindeiros días" para retomar o "diálogo" a respecto de Catalunya. Este emprazamento chega despois de que o novo Goberno central ratificase a fin do control previo dos pagamentos da Generalitat, unha medida ligada á fin do artigo 155 xa prevista polo ex-ministro Montoro que o novo Executivo presenta como un "xesto" de distensión.
O Goberno central levanta o control previo dos pagamentos da Generalitat de Catalunya, como deixara previsto o Executivo anterior, e mantén o resto de medidas de supervisión financeira do Goberno catalán agás esta e as demais vinculadas ao artigo 155 da Constitución, que sería irregular seguir aplicando.
"Non á mina!" Veciñanza de Touro, O Pino, e das contornas da Ulla e da ría de Arousa explican como afectaría ás súas vidas a reapertura da mina de cobre e, xunto a representantes do mundo da cultura, chaman a participar na manifestación do vindeiro domingo en Santiago
Marcela e Elisa xa teñen rúa na Coruña. O Concello coruñés inaugurou este venres na contorna de San Roque de Fóra a rúa en lembranza á primeira parella de mulleres que casaron en Galicia como primeiro acto do programa municipal de actividaes polo Día do Orgullo LGTBQI
Manuel Reigosa tomou posesión este mediodía do cargo de reitor da Universidade de Vigo. Reigosa gañou as eleccións celebradas o pasado abril e o seu nomeamento foi publicado hoxe mesmo no DOG.
O Obradoiro será o anfitrión da vindeira Supercopa da ACB, que se xogará en Santiago. O acordo para a celebración do torneo entre o 21 e o 22 de setembro no pavillón Fontes do Sar da capital galega será asinado o vindeiro día 14 polo concello compostelán e a Deputación da Coruña cos responsables do Obradoiro e da propia ACB.
