O comité intercentros da CRTVG lamenta que a TVG emita "por primeira vez" na historia o desfile íntegro das forzas armadas este 12 de outubro. Destacan que xa é un evento emitido pola TVE e que a cobertura da TVG é "innecesaria". "É unha nova utilización política dos medios públicos por parte da dirección", explica.
O voceiro do PP no Senado augura que por mor do pacto orzamentario entre PSOE e Podemos "en poucos anos estamos como en Venezuela, pasando fame". Ignacio Cosidó substituíu o galego José Manuel Barreiro como líder dos populares na Cámara Alta e foi director xeral da Policía de 2011 a 2016.
Pedro Sánchez e Pablo Iglesias asinan un pacto de PSOE e Unidos Podemos para os Orzamentos do Estado de 2019 con medidas políticas para o que resta de lexislatura estatal.
Un xulgado da Coruña pon en marcha a instrución sobre a cesión do uso do vello cárcere provincial por parte do Concello ao Proxecto Cárcere. A investigación parte dunha denuncia do PP que asumiu a Fiscalía. Os populares dan por feito que existiron irregularidades, mentres que o goberno local subliña que a apertura de dilixencias é un paso "normal" tras a denuncia e lembra que na cesión non media "beneficio económico" ningún.
O Concello de Lugo non seguirá adiante co seu proxecto de ordenanza cívica por non existir "consenso" dabondo na cidade. A alcaldesa lucense, Lara Méndez, confirmou que o goberno local abordará os "problemas" neste eido por outras vías, pero non cunha ordenanza que suscitara as protestas do resto de grupos da esquerda da corporación (Lugonovo, BNG e ACE) e mais dunha plataforma veciñal creada para rexeitala.
O PP lanza un vídeo contra a oficialidade da lingua asturiana no que argumenta que cómpre falar este idioma con "naturalidade", pero sen atender a unha normativa "inventada". "Buscan vivir do bable e por iso queren facelo obrigatorio", agregan para atacar o movemento a prol da oficialidade, moi activo nos últimos anos.
Xa son dez as vítimas mortais da riada en Mallorca, onde se segue a buscar un neno desaparecido.
A Xunta aproba definitivamente como festivo en toda Galicia en 2019 o 19 de marzo (San Xosé, martes) en vez do 24 de xuño (San Xoán, luns). O Goberno galego aprobou este mércores, tras consultalo co Consello Galego de Relacións Laborais, o calendario laboral:
A Universidade de Vigo porá nomes de mulleres distinguidas aos seus edificios administrativos e abre unha votación en redes sociais para elixilos. Velaquí as opcións propostas
A falta de acordo entre JxCat e ERC sobre os deputados suspendidos pola xustiza arrisca a maioría independentista no Parlament catalán. Estas formacións buscan agora acordos cos comuns para sacar adiante iniciativas como os orzamentos.
