VÍDEO | A Mesa lanza un vídeo para animar a "votar a partidos comprometidos co galego" nas eleccións do 25S. A montaxe repasa a situación da lingua galega e a súa evolución nos últimos anos.
Fálase
De Cospedal defende en Santiago o "dereito" de Barberá a manter o escano. Fíxoo nun paseo pola praza de abastos compostelá, onde restou importancia a que a marca do PP apenas figure na campaña de Feijóo. Crónica de Gonzalo Cortizo
Ciudadanos afirma agora que non pactará co PPdeG se Baltar non renuncia ao seu cargo como presidente da Deputación de Ourense. En agosto a formación laranxa matizou que o seu acordo cos populares esixiría só a dimisión dos representantes públicos de ámbito estatal imputados por corrupción, non os de ámbito autonómico ou local.
Galicia será no 2050 a décima rexión da UE cunha maior taxa de dependencia, é dicir, cun menor número de persoas activas en relación coas maiores de 65 anos.
As entidades bancarias inscriben uns 3.000 inmobles no censo de vivendas baleiras da Xunta. Só están obrigadas a facelo nos concellos de máis de dez mil habitantes.
El Diario analiza o "desafío" de Rita Barberá a Rajoy, nun momento moi delicado para o candidato do PP á investidura
Barberá adiántalle a La Razón que se dá de baixa no PP, pero segue no Senado. A ex-alcaldesa de Valencia vai ser investigada -antiga imputación- por presunto branqueamento de capitais.
Entra en vigor a ordenanza de uso do galego na Deputación de Lugo, a primeira das institucións provinciais galegas en contar con esta regulamentación. A normativa, que fixa a lingua galega como a oficial para as comunicacións cotiás da entidade, foi aprobada o pasado xuño co voto a prol de todos os deputados agás o non adscrito Manuel Martínez.
Arquivada definitivamente a causa por enaltecemento do terrorismo contra os monicrequeiros de Madrid. Cóntao eldiario.es
VÍDEO O galego, un dos case 20 idiomas empregados polo Concello de Londres na súa campaña para atraer investimentos e visitantes, London is open que enxalza o caracter "aberto" da capital británica por iniciativa do seu acalde, Sadiq Khan. Unha moza emprega a lingua galega no segundo 25 do anuncio.