Unha folga de CCOO en Renfe fará que este luns non circulen por Galicia máis de 60 trens, a metade de media distancia e o resto repartidos entre longa distancia e Feve.
![](https://praza.gal/media/cache/live_image/uploads/vigo-2ac6922.jpeg)
Unha folga de CCOO en Renfe fará que este luns non circulen por Galicia máis de 60 trens, a metade de media distancia e o resto repartidos entre longa distancia e Feve.
Unhas duascentas persoas participan no primeiro plenario de En Marea tras a ruptura do grupo parlamentario coa vista posta nas eleccións internas para renovar a súa dirección, que se celebrarán o 31 de xullo.
Activada a alerta laranxa por tormentas en Lugo e Ourense, que poden ir acompañadas por saraibas e refachos moi fortes de vento. A Axencia Estatal de Meteoroloxía ten activada a alerta na súa web e a Xunta vén de emitir un comunicado pedindo precaución nas zonas afectadas.
Feijóo desvela que entregará a Medalla de Ouro de Galicia deste ano aos ex-presidentes de Asturias e Castela e León Javier Fernández e Juan Vicente Herrera. Na pasada edición foron os presidentes do Tribunal Constitucional os receptores duns galardóns que levan anos escorados á dereita.
A OCDE pide a España abaratar os despedimentos e subir impostos aos combustibles. A Organización para a Cooperación e o Desenvolvemento Económico reclama tamén reducir as diferenzas de regulacións entre comunidades.
O persoal mobilizado da CRTVG cumpre 60 semanas reclamando uns medios públicos "independentes, rigorosos, plurais, creativos e para todo". Defende A Galega volve celebra hoxe o #VenresNegro60CRTVG
Torra será xulgado por non retirar os lazos amarelos durante a campaña das xerais. O Tribunal Superior de Xustiza de Catalunya envía a xuízo ao president catalán por desobedecer a orde da Xunta Electoral de quitar os símbolos soberanistas durante a campaña.
As enfermeiras en precario concentráronse este mediodía na porta de todos os centros sanitarios galegos en defensa do "emprego digno e a sanidade pública de calidade". O 44% das enfermeiras eventuais leva máis de dez anos nas listas de contratación.
‘Hamada’, filme de Eloy Domínguez Serén sobre o conflito saharauí, chega esta fin de semana a Numax. As varias proxeccións que terá contarán con presentacións e coloquios con Alfonso Zarauza, Jorge Coira e Ana Pontón, ademais do director. “Tratei de achegarme ao aspecto máis íntimo do conflito saharauí, cunha visión máis micro ca macro”, dicíanos hai uns meses.
Podemos preguntará ás súas bases se prefiren un goberno de coalición con Sánchez ou un de cooperación pero sen ministros para desbloquear a actual ruptura co PSOE. Ao tempo, Pablo Iglesias pide a Sánchez que non impoña vetos para formar goberno.