A poxa eléctrica decide hoxe o futuro dos 400 traballadores de Alcoa na Coruña. A multinacional asegura que, de non conseguir os bloques necesarios, pechará a planta e aplicará o ERE. Fotografía de @AluminiosCoruna.
Fálase
-
Trinta alcaldes de pequenos concellos galegos cobran máis do límite fixado polo Ministerio de Facenda. Os rexedores de concellos de menos de 5.000 habitantes non poderán superar os 40.000 euros anuais.
Jealsa-Rianxeira vende a súa polémica planta de O Aaiún, no Sáhara, na que procesaba sardiña para Mercadona. A empresa consideraba a fábrica unha filial marroquí e explotaba os recursos saharauís, a pesar de tratarse dunha ocupación non recoñecida pola ONU.
As universidades galegas aprobaron iniciar a supresión de 24 titulacións de máster e 3 de grao. Con respecto aos títulos que nos últimos tres cursos non reuniron o número mínimo de estudantes fixado polo decreto da Xunta, as tres universidades deberán presentar un plan de viabilidade en marzo de 2015.
O coordinador federal de IU, Cayo Lara, completou este luns unha intensa visita de traballo a Galicia, onde se reuniu en Vilagarcía cos traballadores e traballadoras de Lantero, e en Ferrol cos de Cleanet e Megasa para coñecer os conflitos laborais que están a sufrir.
Na tarde deste luns finou o británico Joe Cocker, aos 70 anos de idade, dun cancro de pulmón.
EH Bildu e PSE rexeitan a proposta do Goberno vasco que busca acelerar o final ordenado de ETA a través dun procedemento para un desarme "rápido, viable e efectivo" mediante un xesto unilateral
Detido en Valencia outro dos supostos asasinos de Jimmy, o ultra do Deportivo falecido en Madrid. Outro arrestado na mesma localidade tamén tería participado na brutal pelexa.
A xustiza admite as querelas contra Mas e varios membros do Govern polo 9N. O TSJC delibera se xunta todas elas e as denuncias contra a Generalitat.
Vén de saír o gordo, o número 13.437, moi repartido como case todos os premios deste ano da Lotaría de Nadal. Entre outras localidades, foi vendido na Coruña, en Lugo e en Carballo. Tamén houbo premios para Pontevedra, Santiago, Carballo, Vigo, Sarria, Tomiño, Lourenzá ou Quiroga, que venderon parte dun cuarto, e para As Pontes, Cambados, A Estrada, Becerreá, Ponteareas ou Cee, que repartiron parte dun segundo