A presidenta do Parlamento vén de recibir unha delegación da Alianza Libre Europea, que dende hoxe celebra a súa asemblea co BNG como anfitrión.
![](https://praza.gal/media/cache/live_image/xornal/uploads/falase/foto/52fcba24ddb96-aleparlamento.jpg)
A presidenta do Parlamento vén de recibir unha delegación da Alianza Libre Europea, que dende hoxe celebra a súa asemblea co BNG como anfitrión.
O xuíz Moreno xulgará os ex directivos das caixas galegas polas súas indemnizacións millonarias. Sentará no banco a Gayoso, Pego, García de Paredes e Rodríguez Estrada, segundo adianta Europa Press. Máis información, hoxe en Praza.
#consellodaxunta A Xunta culmina a "paralización definitiva" das obras da Cidade da Cultura, acordada polo Parlamento en marzo de 2013. Segundo Feijóo, o Goberno non terá que pagarlles indemnizacións ás empresas, que poderán executar un "remate" no complexo con "recursos propios".
#consellodaxunta A Xunta aproba unha oferta pública de emprego para 117 docentes da ESO.
O ministro do Interior comparece no Congreso para falar da morte de, cando menos, 15 persoas que tentaban chegar a Ceuta. Pódese seguir ao vivo en El Diario
Montse Dopico entrevista Xabier P. Docampo sobre A illa de todas as illas (Xerais), novela que presenta este xoves en Compostela: “O único que non serve para nada é non saber nada. Somos seres chamados a coñecer”
SOS Sanidade Pública chama a veciñanza de Vigo a participar este serán nunha manifestación contra os recortes sanitarios. Será ás 20:00 dende a Praza dos Cabalos.
A veciñanza compostelá de Galeras, que loita contra a construción dun acceso a un aparcadoiro privado no seu parque, convoca unha nova mobilización para o vindeiro sábado.
A Alianza Libre Europea comeza hoxe en Compostela os actos da súa asemblea, na que o BNG é o anfitrión. O Bloque recibe unha delegación da ALE no Parlamento, onde realizará unha visita pola Cámara e será recibida pola presidenta, Pilar Rojo.
O xuíz ve indicios de apropiación indebida ou estafa na actuación de cinco ex directivos de Caixanova, entre eles Gayoso, por repartírense 19 millóns en indemnizacións. En Infolibre.