Seguen os incendios que atinxen aos parques do Xurés e do Invernadoiro. As estimacións da Xunta indican que atinxen a unhas 32 e 20 hectáreas, respectivamente. Na imaxe, traballos extinción no Invernadoiro o pasado sábado; foi tomada por bombeiros forestais da Brif Laza.
O lanzamento do cuarto satélite galego adíase ata o vindeiro mes de decembro. O Lume 1 forma parte do do proxecto europeo Fire-RS, que coordina a Universidade de Vigo e nos que tamén participan as de Porto e Toulouse, que ten como obxectivo crear unha rede de detección temperá de incendios forestais. Este cubesat tomará o relevo dos exitosos XaTcobeo (2012), Humsat-D (2013) e Serpent (2015)
Fight on a swedish beach, do sueco Simon Vahlne, gaña a Ánfora de Ouro do Festival Internacional de Curtametraxes de Bueu, que rematou este sábado despois de nove días de actividades e programación. Matria (Álvaro Gago) obtivo o Premio R á Mellor Curta Galega e o Premio do Público e a francesa Fool time) job fíxose coa Ánfora de Prata.
Os equipos infantil e xuvenil do Bastavales apoian este domingo a comunidade educativa do IES de Brión, que dende hai uns días protesta contra os recortes de profesorado no centro. Nais e pais continuarán este luns o peche iniciado o xoves e seguirán sen enviar os seus fillos e fillas a clase.
O persoal de Seaga inicia este domingo unha folga indefinida que denuncia a súa "discriminación" no acceso a prazas do Servizo de Protección e Defensa contra Incendios Forestais (Spdcif).
O informe de expertos sobre a titularidade da Mezquita de Córdoba conclúe que nunca pertenceu á Igrexa e certifica que a súa propiedade sempre estado ligada ao Estado. Propoñen elevar un recurso de inconstitucionalidade ante o Tribunal Constitucional co obxectivo de anular a inmatriculación
Nais e pais do IES de Brión protestan nun acto do conselleiro de Educación polos recortes de profesorado no centro. Despois de iniciar un peche este xoves, este venres decidiron en asemblea que o luns seguirán sen enviar o estudantado ao centro se non hai os mestres e mestras necesarias "para garantir un ensino de calidade"
O parque natural do Invernadoiro, en Vilariño de Conso, sofre o seu cuarto incendio forestal no que vai de verán. O lume iniciouse este venres na parroquia de San Mamede, queimando 20 hectáreas de terreo nas primeiras horas
O Concello de Lugo presenta o San Froilán 2018 con bandas e artistas como SondeSeu, Pussy Riot, Nathy Peluso, Marky Ramone ou Fanfare Ciocarliana nun programa con 280 citas. As patronais lucenses comezan o día 4 de outubro co pregón do xornalista Manuel Lombao. Descarga aquí o programa íntegro en pdf.
DOCUMENTO | A tese de doutoramento de Pedro Sánchez xa está publicada en internet. Pode consultarse nesta ligazón
