Pontón insta a Feijóo e Rueda a aclarar se "apadriñan" o "novo pelotazo" de Telmo Martín en Sanxenxo. "É esta a maneira en que entende a rexeneración democrática e a loita contra a corrupción?", cuestionou a líder do BNG ante o retorno do popular á alcaldía tras o pacto anunciado a pasada semana.
O pleno de Pontevedra rexeita cos votos de BNG, PSdeG e Marea a iniciativa do PP para promocionar as "aparicións marianas" na cidade. Os conservadores defenderon que o seu plan podía "encher" os hoteis da cidade. Cóntao Pontevedra Viva
Remata a corta dos eucaliptos da contorna do castelo de Soutomaior. En virtude do decidido pola Deputación de Pontevedra, os traballos implicaron a tala de "máis de 300" árbores que supuxeron "máis de 500 toneladas". A decisión foi tomada, indica a institución, "por razóns de protección medioambiental e beleza paisaxística".
A Comisión Europea confirma que recomenda retirar a Portugal os controis por déficit excesivo. España continuará sometida a eles xunto a Francia, Grecia e o Reino Unido -mentres continúe como Estado membro-. Está a contalo ao vivo o diario Público. O documento coas "recomendacións" da UE pódese consultar nesta ligazón.
Concellos galegos obteñen 35 millóns na segunda convocatoria dos fondos para desenvolvemento urbano sostible. Este segundo reparto inclúe 15 millóns asignados ao plan EDUSI da Coruña e outros 10, para o proxecto Ría de Ferrol, Cidade 2020. Os detalles, no BOE deste luns. No primeiro reparto xa se asignaran algo máis de 83 millóns a municipios de Galicia.
Portugal prevé que hoxe a UE lle permita abandonar o procedemento de déficit excesivo, o que relaxará os controis comunitarios sobre as súas contas. Cóntao o diario Público. O Goberno de España continuará, previsiblemente, baixo esas restricións.
Veciñanza de Friol e Guitiriz, disposta a acudir ao Vaticano en xuño se o Papa non atende as reclamacións polo traslado do seu párroco. Cóntao El Progreso
O voceiro Antonio Hernando e o xerente do partido, primeiras dimisións no PSOE tras a vitoria de Pedro Sánchez nas primarias.
AVANCE | Co 92,86% escrutado, Pedro Sánchez obtén en Galicia o 65,92% dos votos por un 26,72% de Susana Díaz. Máis información aquí.
ÚLTIMA HORA | Co 71% dos votos escrutados, Pedro Sánchez gaña as primarias do PSOE, tamén en Galicia. Na comunidade, co 59% escrutado, Sánchez obtén o 69% dos votos. Máis información, aquí.
