Rajoy di en Twitter que o seu Goberno é consciente de que este é un ano "difícil" no que os "sacrificios" non teñen "froitos palpables para o cidadán"
Fálase
Sindicatos de Novagalicia prevén "conflito" se non se retirán os 2.500 despidos na entidade, logo dunha xuntanza do comité de empresa co BNG.
O ourensán Fernando Epelde gaña o Premio SGAE de Teatro 2012 pola súa obra Estado de gracia
Na votación para elixir o presidente do Parlamento catalán rexistráronse tres votos nulos. Corresponden aos deputados da CUP, que votaron polo desafiuzado de Burjassot que se intentou suicidar.
O fiscal xeral do Estado recoñece que non é posible abrir unha causa penal global contra as caixas polas preferentes. Torres-Dulce descarta unha impugnación global por delito de estafa, pero recoñece que son "un produto financeiro opaco, que se gobernou mal e que estaba previsto para un tempo sen crise".
Neonazis gregos agreden un deputado de Syriza. Membros de Amencer Dourado golpeárono no descanso dun partido de fútbol.
Os funcionarios perderán a metade do soldo os días que non vaian traballar. Facenda penalizará os empregados públicos que falten ao traballo por unha incapacidade temporal que non supere os tres días de baixa, segundo adianta La Información.
Banco Santander absorbe Banesto. A entidade vén de comunicar á CNMV a intención de integrar Banesto e Banif baixo a mesma marca, segundo informa Cinco Días.
Un grupo de prestixiosos cientificos do Reino Unido, encabezados por Stephen Hawking, publican unha carta para pedirlle ao goberno británico que indulte a Alan Turing, perseguido e condenado hai 60 anos por ser homosexual
Sinpermiso publica unha entrevista con Jean Luc Mélenchon na que o líder da Front de Gauche chama a construír a esquerda sobre o ecoloxismo e afirma que a socialdemocracia "ten unha incapacidade radical de ser ecoloxista, posto que se impón como obxectivo repartir os froitos do crecemento"