200 traballadores e traballadoras eventuais reclámanlle ao Sergas unhas condicións máis dignas de contratación, nunha protesta celebrada este martes no Hospital Clínico de Santiago. Denuncian que se "opta por sobrecargar ao persoal de plantilla para tratar de prestar o servizo con menos custes" e advirten "da perda de calidade asistencial que isto pode provocar".
A Real Academia Galega de Ciencias homenaxeará o 16 de xuño a Luis Iglesias no Día do Científico Galego. O estudo dos insectos e a loita contra as pragas agrícolas, na que colaborou coa empresa Zeltia, centraron o labor deste investigador que foi tamén reitor da USC. A súa colección de preto de 6.000 insectos forma parte do Museo de Historia Natural Luis Iglesias, que reabrirá as súas portas proximamente
Crean a Asociación Proxecto Benito Losada para manter o seu legado e continuar proxectos coma o Outono Fotográfico e as Xornadas de Banda Deseñada.
As gravacións telefónicas a Nelson Santos, alcalde do Porriño, revelan as xestións do rexedor popular para enchufar varias persoas en empresas e no Concello. A Operación Multiusos investígao por supostos delitos de prevaricación, tráfico de influencias e malversación
Dimite o concelleiro de Deportes de Santiago, Adrián Varela, imputado na Pokémon, en "solidariedade" cos sete edís procesados por acordar pagar a súa defensa xurídica con fondos públicos. Máis información, hoxe en Praza.
Críticos de Anova volven cargar contra a estratexia de AGE e critican o "sectarismo de BNG e IU". Cren que Podemos absorbeu os votos de Alternativa.
O Parlamento comezou este luns os traballos da comisión que debe elaborar novas propostas para a integración de persoas con discapacidade. Interviron representantes do Comité de Entidades de Representantes de Persoas con Discapacidade (Cermi) e da Confederación Galega de Persoas con Discapacidade (Cogami)
Un apoderado do PP foi detido por comentarios racistas durante o reconto de votos. O implicado mantivo unha actitude "agresiva" durante toda a tarde da xornada electoral.
O diario Gara analiza como "decisivos" os votos do BNG para que a coalición Os pobos deciden obtivese escano nas europeas deste domingo.
Alfredo Pérez Rubalcaba anuncia a convocatoria dun congreso extraordinario do PSOE o 19 de xullo para "elixir unha nova dirección" tras os "malos resultados, sen paliativos" das eleccións europeas . El Diario está a analizalo.
