O deputado do PPdeG Jacobo Moreira critica que o PSdeG presente no Parlamento de Galicia unha iniciativa contra as posibles novas taxas xudiciais. Durante o debate, esta mañá, instou os socialistas a "non distorsionar desde comunidades autónomas" algo que debe tratarse no Congreso dos Deputados. "Este non é o foro para tratar un asunto de calado nacional", engade.
Julio Anguita ofrécese como referente "dunha fronte cívica interclasista", pero asegura que el non será candidato. Asegura estar elaborando unha proposta concreta, que publicará esta fin de semana no blog do Colectivo Prometeo, no que participa.
Ás 11:30 preséntase na libraría Couceiro de Compostela LEGA, a plataforma de recursos dixitais de lecer en galego desenvolvida por GalegoLab
A aspirina, o Almax e o paracetamol deixarán de recetarse para aforrar, polo que os cidadáns terán que pagar o seu importe completo. O Estado financiaba o 60% do prezo destas menciñas comúns.
María Xosé Porteiro presenta este xoves en Vigo o seu libro Vine, Ví… Hablé! Las mujeres frente al discurso público. O ensaio analiza as dificultades e os éxitos das mulleres fronte ao discurso público ao longo da historia. Será ás oito da tarde na Casa do Libro.
Os partidos recibirán un 20% menos de subvencións. Os grupos da oposición no Congreso alertan das campañas contra formacións políticas e sindicais. En El País.
Un home galego, de máis de 60 anos e con estudos superiores é o perfil de persoa con menos nivel de paro no Estado, ao situarse no 0,83%. Unha muller canaria, sen estudos e menor de 20 anos afronta un desemprego do 95%, segundo un estudo publicado por La Información.
Os mineiros cortan cinco estradas nunha nova xornada de folga nas concas. A estas horas tan só se mantén cortada unha delas, en Muros de Nalón.
O sindicato CIG acorda convocar o seu VI Congreso para os días 25 e 26 de maio de 2013 e cre "imprescindíbel" reforzar a estrutura da central nas empresas "para combater a aplicación da reforma laboral".
A vindeira edición da campaña publicitaria da Xunta Galicia, gárdasme o segredo? custará 847.457 euros. Está financiada nun 70% por fondos europeos.