O ex tenente coronel da Garda Civil Antonio Tejero, condenado polo golpe de Estado do 23-F, denuncia a Artur Mas por "provocación, conspiración e proposición para a sedición". En El Diario.
Fálase
-
O ferrolán López Sors di que non "entende" o galego do avogado de Nunca Máis e pide tradución simultánea.
López Sors comeza a declarar no xuízo do Prestige e escoita a través de auriculares a tradución do galego. O que fora ex director xeral da Mariña Mercante asegura que as súas decisións "non necesitaban ser ratificadas posteriormente por ninguén". É o único cargo público que comparecerá na vista.
Alberto Ramos gaña o premio Risco de Creación Literaria, que concede cada ano o Concello de Ourense, coa novela Todos os días. A editorial Sotelo Blanco publicará a obra do escritor, xornalista e tamén colaborador de Praza Pública.
O cumio extraordinario da UE celébrase hoxe con serias dificultades. A presión de Gran Bretaña para recortar os orzamentos, as protestas pola diminución nas achegas á PAC ou a falta de acordo para o rescate a Grecia auguran unha xornada moi tensa.
Alexis Tsipras, máximo dirixente da coalición grega Syriza, participará este xoves nun acto de apoio a ICV-EUiA en Barcelona
Primeiras horas de alto o fogo en Gaza. Milleiros de palestinos celebraron nas rúas o fin do ataques de Israel
Orozco remodela o Goberno municipal de Lugo despois da marcha dos dous concelleiros do BNG. O alcalde lucense declarará este hoxe pola súa imputación no caso Pokemon
Mediaset, empresa propietaria de Telecinco, xustifica a súa demanda contra un blogueiro que instou a boicotear os produtos que patrocinasen o programa La Noria. A compañía asegura que Pablo Herreros incorreu en "ameazas". Cóntao La Información.
Rajoy só le o Marca e o Faro de Vigo. Ou iso é o que afirma o Financial Times nun perfil do presidente do Goberno publicado onte. O xornal especializado di que Rajoy se pecha no seu despacho, négase a ver a televisión ou a escoitar a radio e só le estes dous xornais.
