Este domingo ás 13 horas o Instituto de Estudos Miñoranos celebrará na curva da Bombardeira (Baiona), a Volta dos Nove, a homenaxe anual aos nove veciños que alí foron asasinados o 15 de outubro de 1936 polos franquistas.
![](https://praza.gal/media/cache/live_image/xornal/uploads/falase/foto/5259367eb2180-volta_dos_91.jpg)
Este domingo ás 13 horas o Instituto de Estudos Miñoranos celebrará na curva da Bombardeira (Baiona), a Volta dos Nove, a homenaxe anual aos nove veciños que alí foron asasinados o 15 de outubro de 1936 polos franquistas.
Ao redor de 300 neonazis concentráronse na Praça de Espanya de Barcelona con bandeiras anticonstitucionais. Entre eles está, cando menos, un dos ultras que participou no asalto á libraría Blanquerna. En resposta, uns 500 antifascistas concentráronse no barrio de Sants para evitar a presenza de ultradereitistas.
O xornalista galego Héctor Juanatey atópase no Sahara realizando unha serie de reportaxes e entrevistas que poden ler no seu blog as persoas que apoiaron economicamente a súa viaxe, a través corwdfunding. Si se poden consultar algúns contidos, en aberto, a través de Público, por exemplo a entrevista ao ministro de Cooperación da Fronte Polisaria
Este 11 de outubro celebrouse en todo o mundo o Coming Out Day, ou día para saír do armario. Realízase dende 1988.
O Concello de Vilanova de Arousa, gobernado polo PP, tamén lles pagará os fármacos aos seus veciños, rebelándose contra o copago, ao igual que en días pasados o fixeron varios rexedores de BNG e PSdeG-PSOE.
Almodóvar denuncia que o Goberno executa “un rigoroso plan de exterminio do cine español”. Ao tempo, Montoro rectifica as súas palabras desta semana e nunha nota de prensa afirma que "o cine español é dos mellores"
A plataforma Som Catalunya, Somos España -apoiada por PP e Ciutadans- buscará encher, dende as 10.30 horas, a Praça Catalunya de Barcelona contra o proceso soberanista. A plataforma ultra La España en Marcha celebra outra manifestación, dende a Praça de Espanya a Montjuïc
Un barco con 250 inmigrantes naufraga na costa de Sicilia. A Armada italiana ocúpase do rescate, aínda que xa hai algún morto.
A Xunta subirá o imposto de combustibles para manter o gasto sanitario. Pasa de 1,2 céntimos por litro de gasóleo a 4,8 céntimos e no litro de gasolina, de 2,4 a 4,8.
Máis da metade dos fogares galegos chegan con dificultades a fin de mes. Tres de cada dez non se permitiron extra ningún no último trimestre, segundo o último informe do IGE.