A Xunta publica o reparto de axudas para medios de comunicación en xeral e para publicacións editadas integramente en galego. O reparto ascende a 1,9 millóns de euros distribuídos entre 38 empresas.
Fálase
A xuíza Pilar de Lara está a requisar documentación na Deputación de Lugo, segundo adianta a Radio Galega.
O 34% dos traballadores españois cobra menos de 645 euros ao mes. As cifras achegadas pola Axencia Tributaria confirman a dureza da crise no mercado laboral.
O 9N devolve o liderado a CiU en Cataluña, onde Podemos sería terceira forza. PSC e PP perderían a metade dos seus deputados ante o avance da formación de Pablo Iglesias, Ciutadans e a CUP.
Afectados do Ofimático colapsan o tráfico na Coruña contra os desaloxos ordenados polo Concello e causan retencións a última hora da tarde do xoves. As protestas contra o plan urbanístico e os desafiuzamentos previstos intensifícase na cidade con importantes protestas.
O avogado de Crespo pide que se chame a declarar ao "amigo" de Feijóo. "Os que fixeron cousas non saíron, pero sairán", advirte o principal imputado na trama de cursos falsos.
Repatriada a España unha cooperante por posible contaxio de ébola. A doutora navarra picouse cunha agulla cando poñía unha inxección a un enfermo en Malí.
A Generalitat asegura que só tres familias pediron a axuda do Estado para ter clases en castelán. Cada solicitante pide unha subvención de 6.000 euros para pagar os estudos nun centro privado.
Un claro no bosque, o blog de ecoloxismo social de Praza, denuncia a actividade dos monster boats, "os grandes barcos de pesca que devastan os mares e minguan a soberanía alimentar dos pobos, nomeadamente no Sur". Destaca que cinco dos 20 barcos da UE máis nocivos para o medio son españois e dous deles, galegos, dous arrastreiros de profundidade.
Obama explicará esta noite a súa iniciativa para regularizar a situación de cinco millóns de persoas que viven nos Estados Unidos sen documentación dende hai cando menos cinco anos. Farao en solitario, sen o apoio das cámaras, dominadas polos republicanos. A medida non se estenderá aos pais e nais destes inmigrantes nin aos traballadores agrícolas e tampouco recibirán cobertura sanitaria.