Fálase

Case mil persoas pediron o cheque social en Vigo nas dúas primeiras semanas. A elevada demanda deste programa para os máis necesitados provoca ringleiras á hora de solicitar a axuda. 

Feijóo reunirase con Caballero seis anos despois do seu único encontro oficial. O alcalde de Vigo leva tempo reclamando unha xuntanza co presidente da Xunta que non se levou a cabo desde 2010. 

Pablo Iglesias insiste en que Podemos non entrará en ningún goberno co PSOE se esta é a forza maioritaria, aínda que que facilitará a súa investidara "se rectifica". O líder ve na súa formación a mellor ferramena para lograr a unidade popular. 

Máis de 60 municipio e 'chiringuitos' pagan as súas facturas fóra do prazo legal. A Gudiña e Mos tardan máis de dous meses cando a norma exixe 30 días.

O reconto de votos en Ferrol e Chantada -que foi revisado este mércores por distintas incidencias- finaliza sen alterar a distribución de concelleiros coñecida o domingo. INTA mantén a súa maioría absoluta na vila lucense e na cidade departamental Ferrol en Común poderá, previsiblemente, formar un goberno alternativo ao PP. A Coruña e Mondoñedo teñen aínda pendente o reconto definitivo, que determinará o goberno da vila mindoniense e a forza máis votada na cidade herculina

Lugonovo reitera a súa negativa a apoiar a López Orozco para a alcaldía de Lugo, pero abre as portas a un acordo co PSdeG-PSOE se muda o seu candidato: "Co señor Orozco non temos nada de que falar, co PSOE hai un camiño que andar". "Non estamos dispostos a aceptar cambalaches ou trasegos de cromos a cambio de posibles ofertas de sillóns no Consistorio", engade.

O PP ofrécelle ao PSdeG a alcaldía de Rianxo para evitar que o actual alcalde, do BNG, siga gobernando. O Bloque logrou 6 edís nas eleccións, mentres que os populares perderon un representante e ficaron con 5 e os socialistas son terceira forza, con 4. Cóntao La Voz

O presidente da CEOE, Joan Rosell, insta os novos alcaldes e alcaldesas a "esquecer os seus programas" para xestionar "a realidade". Recólleo Reuters

Mar Barcón ratifica que o PSdeG "facilitará" a investidura de Xulio Ferreiro e desbota un pacto co PP para impedir que goberne a Marea Atlántica. Recólleo Europa Press

A galega Verónica Boquete ficha polo Bayern de Múnic logo de abandonar o Frankfurt, co que acadou a Liga de Campións.