A Plataforma Stop Ley Wert presentará esta tarde un comunicado que se esixe a retirada da LOMCE. O acto será presentado por Federico Mayor Zaragoza e nel intervirán representantes da Asociación Ciudadan@s por la Educación Pública, Associació de Mestres Rosa Sensat, Red IRES (Investigación y Renovación Escolar), Juventud Sin Futuro, Democracia real YA ou ATTAC.
Fálase
A peaxe da AP-9 subirá nun 2,4% en xaneiro. O custe para circular de Vigo á Coruña superará os 15 euros, 2,1 euros máis que hai un ano.
FACUA advirte da ilegalidade do modelo de tarifas eléctricas que pretende implantar Industria. Alerta de que supón unha suba encuberta da tarifa e que penalizará a usuarios cun consumo moi reducido
A quebra do Instituto de Alta Tecnoloxía (IAT), unha fundación creada en 2001 para construir e xestionar un centro médico pioneiro, destapa unha nova fraude millonaria de cartos públicos na sanidade catalá. O holding privado CRC aproveitou o seu control sobre a fundación para obter irregularmente recursos e mesmo desviou subvencións cara ás súas filiais.
Derrota do Celta en Balaidos ante o Betis por 0-1. Jorge Molina marcou o único gol do partido no minuto 80. Os celestes son 15º con 15 puntos, dous por riba do descenso.
Empate do Dépor en Riazor ante o Valladolid (0-0). Os de Oltra seguen últimos na clasificación da Liga empatados a puntos co Espanyol
O Tribunal Constitucional avala a atención sanitaria para as persoas migrantes sen regularizar ao non admitir o recurso presentado polo Goberno central contra o decreto do Goberno vasco. Deste xeito a limitación de acceso á sanidade que aprobou o Goberno de Rajoy non se aplicará, cando menos de momento, no País Vasco.
A Mesa do Parlamento ratifica que lles descontará aos deputados e deputadas o equivalente a unha paga extra no seu salario. Ademais, reduce nun 20% o complemento dos membros da propia Mesa, situado agora en 1.831 euros que se engaden ao resto do salario.
Os desafiuzamentos aumentaron un 134% en 2012, segundo o CGPJ, que advirte que a situación crea "un conflito social".
A OCDE advirte de que a austeridade pon en perigo os logros en igualdade. España foi o país que máis reduciu a desigualdade de xénero no mercado laboral entre 1985 e 2010. Cóntao El Diario.