A Policía grava en vídeo a protesta de milleiros de traballadores da Xunta contra a lei de recortes que se debate no Parlamento
![](https://praza.gal/media/cache/live_image/xornal/uploads/falase/foto/4f4c9eba16ddf-amusef7caaae-u9.jpg)
A Policía grava en vídeo a protesta de milleiros de traballadores da Xunta contra a lei de recortes que se debate no Parlamento
A presidenta do Parlamento desaloxa da tribuna a representantes sindicais que amosaron pancartas contra a lei de recortes
Imaxe panorámica da protesta ante o Parlamento contra os recortes no emprego público
As asembleas, concentracións e peches por parte dos empregados da administración pública sucedéronse durante toda a xornada deste luns. Os catro sindicatos da Función Pública coordinan nestes momentos unha mobilización contra o proxecto de lei do emprego público que o Goberno galego vai aprobar esta mañán por lectura única. Na imaxe, protesta no Hospital de Ferrol
Xa chegaron os primeiros funcionarios ás portas do Parlamento. Hai un forte dispositivo policial. Imaxe vía @diecisietecosas
O diario Público portugués recolle a nova da fusión entre a universidade Clássica e a Técnica de Lisboa. A alianza enmárcase dentro de "um processo que pretende colocar a nova universidade entre as 100 melhores a nível mundial", constata a publicación.
Mariscadores de Ferrol bloquean nestes momentos o tráfico marítimo na ría en prostesta polo atraso nos pagos que lles adebeda a Xunta
Hoxe cúmprense 50 anos da morte de Julio Camba (e 31 da de Cunqueiro). Manuel Jabois escribe sobre "O selecto fracaso de Camba"
Un buque da compañía Costa Cruceros con máis de mil pasaxeiros a bordo está varado a 200 millas das Seychelles. O barco non ten enerxía eléctrica e non lle funcionan os motores. Hai quince cidadáns españois, segundo informa a compañía. A nova, na BBC. Os familiares dos pasaxeiros poden chamar ao +34 934 87 56 85 para informarse, apunta a compañía. Máis detalles na web da empresa
O déficit galego superou o límite establecido polo Goberno central ata pechar no 1,61% en 2011. É a segunda comunidade tras Madrid cunha menor ratio de déficit, segundo informou hoxe o ministro Cristóbal Montoro. O conxunto das administracións rexistraron unha taxa do 8,51%, máis de catro puntos por riba do obxectivo fixado por Bruxelas para finais de 2012