Están abertas as votacións dos Public Eye Awards, os "premios da infamia" que cada ano sinalan as empresas cun peor comportamento en todo o planeta. Entre os nominados están Syngenta, Bayer e BASF polos seus produtos que matan as abellas. Polo de agora son os máis votados.
Pemex comunica que vén de asinar a compra do 51% do estaleiro Barreras. Toda a información, hoxe en Praza.
Magma Espacio, o novo espazo de coworking na cidade de Ourense, acolle este venres unha nova edición (a número 45) do Lacon Network, o espazo de relación de profesionais galegos do sector TIC.
A Denominación de Orixe Rías Baixas celebra este martes a súa primeira presentación en Londres, coa participación de 250 prescriptores anglosaxóns. O pasado ano a D.O. exportou ao Reino Unido 659.746 litros, un 15,8% máis que na campaña anterior.
A Audiencia Nacional négalle a nacionalidade española a un discapacitado psíquico de Ecuador por non coñecer a Rajoy nin saber ubicar a Giralda, o que demostra, segundo a sentenza, “un insuficiente grao de integración"
O PP négase no Parlamento a prohibir o uso de cianuro nas explotacións mineiras. A información, hoxe en Praza.
O naval maniféstase en Compostela reclamando carga de traballo. A Policía blinda o Parlamento ante as protestas dos traballadores e antes dun pleno no que se debaterá sobre a situación dos estaleiros. Imaxe de @raulsalgado.
O vindeiro 11 de decembro Richard Stallman impartirá unha conferencia na Facultade de Informática da Coruña sobre “O software libre na ética e na práctica”
Conta atrás para a creación, no parque empresarial de Porto do Molle (Nigrán), dun viveiro de empresas de tecnoloxía aeroespacial. A Zona Franca de Vigo xa logrou o financiamento necesario.
Os recortes orzamentarios ameazan o futuro da investigación do Paleolítico lucense. Os traballos na Cova Eirós permitiron achar nos últimos anos a mostra de de arte rupestre máis antiga do noroeste peninsular, e outros elementos, como agullas ou lanzas decoradas, que levaron á súa declaración como Ben de Interese Cultural (BIC)
