O adestrador do Barça, Tito Vilanova, criticou este mércores o proxecto de reforma educativa pois suporia "retroceder 30 anos", cando moita xente, coma el mesmo, non puido aprender catalán na escola. Vilanova súmase á posición oficial do F.C. Barcelona e a do capitán Carles Puyol, que tamén se opuxeron publicamente á norma. No partido de onte contra o Benfica no Camp Nou puideron verse moitas faixas alusivas a este tema.
Fálase
A XI edición do Festival Agustín Magán de teatro amador comeza este xoves en Compostela coa representación de Pim, pam, Clown! no Teatro Principal, que acollerá todas as obras até o martes 11.
TVE gastou case tres millóns de euros en programación relixiosa en 2011 dos que 2.3 millóns foron dedicados á relixión católica
O BNG celebra nestes momentos un acto en Compostela en demanda da "soberania da nación galega". Ademais anima os e as internautas a realizar unha "manifestación virtual" co hashtag #soberaniaGZ
O Parlamento portugués debate este xoves a lei da reorganizacón administrativa do territorio, que levará á supresión ou fusión dun milleiro de freguesias para reducir o gasto administrativo. Unha plataforma cidadá prepara unha manifestación contra esta medida.
David Reboredo, o extoxicómano vigués rehabilitado, ingresa en prisión tras negarlle o Goberno o indulto. Chelo Martínez, deputada de AGE, anunciou que se presentará unha iniciativa no Parlamento galego para que se apoie o indulto
Cinco mortos e 400 feridos nos enfrontamentos en Exipto entre partidarios do presidente Morsi e a oposición, unha mestura de grupos esquerdistas, grupos laicos e de partidarios do antigo réxime. Morsi, que falará hoxe en público despois de tres dias de tensión, sacou os tanques ás rúas.
Morre aos 104 anos de idade o arquitecto Oscar Niemeyer. Foi un dos codeseñadores de Brasilia e de centos de obras en todo o mundo, coma o Centro Niemeyer en Avilés. Foi comunista e nos seus últimos anos apoiou con decisión o PT e a Lula da Silva.
Instagram rompe con Twitter. As imaxes tomadas coa coñecida aplicación de fotografía, agora propiedade de Facebook, deixarán de poder verse directamente nos tweets. Cóntao La Información.
O TSXG volve dar un pau á política lingüística da Xunta ao estimar parcialmente o recurso do sindicato STEG contra o decreto do plurlingüismo, ao igual que fixera cos presentados por CIG-Ensino, A Mesa, Queremos Galego e a RAG. A central pide "a derrogación do decreto e a dimisión do conselleiro de Educación". Máis información, esta tarde en Praza.