#BancoDacionYa Centos de persoas convocadas polo 15M concéntranse desde esta mañá en varias oficinas bancarias de Barcelona protestando polos desafiuzamentos de familias e reclamando a dación en pago aos bancos. Imaxe de @acampadabcn
Fálase
-
De Guindos pide ao BCE que colabore na auditoría da banca española e comprométese a acelerar os traballos para ter os resultados en dous meses.
A plataforma Stop Nepotismo realiza unha acción na Deputación de Ourense: sacoulle brillo para "varrer" a corrupción.
O Financial Times abre a súa edición dicindo que "Diminúe a fe na efectividade dun cortalumes para protexer a España no caso dunha caída da economía grega"
"Volvín a España para investigar e teño que marchar de novo". La Información publica unha entrevista cun investigador do CSIC que ten que marchar para poder traballar.
A Mesa do Congreso veta todas as preguntas sobre a relación entre o rei e o caso Nóos.
A parálise do proxecto da incineradora do Irixo ameaza o plano de residuos e abre a porta a unha ampliación do macrovertedoiro de Cerceda.
O candidato do BNG á Xunta, Francisco Jorquera, contrapón as "propostas" lanzadas na Convención Nacional do BNG coa "propaganda" que, di, difundiu Feijóo no seu mitin da Coruña. Nun encontro informativo co Colexio Profesional de Xornalistas subliñou que o Bloque está "preparado" para un posible adianto electoral e explicou que as relacións co PSdeG son "fluídas".
O secretario xeral do PSdeG, Pachi Vázquez, ofrécelle a Feijóo un pacto "polo crecemento e a blindaxe dos servizos públicos" e avanza que será el mesmo quen defenda no pleno do Parlamento a proposición de lei contra os recortes sanitarios e educativos
Expertos da ONU piden á UE unha taxa ás transaccións financeiras para financiar o custo da crise. "A socialización das débedas privadas ameaza con provocar unha regresión importante nos dereitos humanos", advirten.