Cañete, aprobado como comisario europeo cos votos a favor de populares e boa parte dos socialistas. Obtivo 83 votos a favor, 42 en contra e tres abstencións e será comisario de Clima e Enerxía.
![](https://praza.gal/media/cache/live_image/xornal/uploads/falase/foto/54355892a1cb9-bzckevdcaaak6py.jpg)
Cañete, aprobado como comisario europeo cos votos a favor de populares e boa parte dos socialistas. Obtivo 83 votos a favor, 42 en contra e tres abstencións e será comisario de Clima e Enerxía.
Prolingua denuncia que tamén foi "excluída" polo comité de expertos do Consello de Europa que avalían o cumprimento da Carta Europea de Linguas Rexionais e Minoritarias, como xa fixeron a CTNL e a CGENDL. A entidade presentoulles un informe aos expertos malia non ser convidados ás xuntanzas.
Cultura Galega dedícalle un dossier á Lei de Arquivos, que entrará en vigor a finais de mes. A lei atende por vez primeira os arquivos dixitais, establece o xeito no que se pode acceder aos documentos públicos e prevé a creación de órganos que establezan qué tipo de documentos deben ser conservados.
A UE ameazou a Ecuador con eliminar axudas ao deservolvemento se non aceptaba o tratado de libre comercio, segundo revelan mensaxes confidenciais entre o embaixador ecuatoriano ante a UE e ministros de Rafael Correa e que foron filtradas. O acordo saíu adiante e está pendente de aprobación
O Wall Street Journal faise eco da concesión "á Virxe María" da Medalla de Ouro ao Mérito Policial en España. O galardón xustifícase en que a imaxe relixiosa comparte valores policiais como "dedicación, caridade, solidaridade e sacrificio".
Tentan roubar no Centro de Interpretación Terras do Miño, na beira do río Rato, en Lugo. A Deputación luguesa salienta que o roubo foi evitado grazas ao sistema de alarma do recinto e lamenta a "pasividade" da Subdelegación do Goberno central, á que lle reclama "máis medidas de seguridade ante os constantes roubos, especialmente en zonas con menos densidade de poboación como esta zona periurbana" da capital da provincia.
O Concello da Coruña pagoulle 2.000 euros a un medio para que entrevistase ao alcalde, segundo denuncia o BNG. O grupo municipal tivo acceso a unha resolución da alcaldía onde se acorda abonarlle a unha axencia de publicidade 1.960,20 euros para que un xornal faga unha entrevista a Carlos Negreira sobre o ascenso do Deportivo.
O FROB enviará á Fiscalía "operacións sospeitosas" de NCG e CaixaCatalunya. O ministro De Guindos anunciou que se están a investigar vinte operacións de crédito das dúas entidades tras o escándalo das "tarxetas opacas" de Caja Madrid.
A Audiencia levanta a imputación aos 12 membros de Adif polo accidente de Angrois. O maquinista do tren volve ser o único imputado ao considerar os maxistrados que as probas periciais sobre a inseguridade da curva non son proba de cargo abonda. Máis información, esta mañá en Praza.
Blesa e Rato declararán como imputados polo caso das tarxetas 'negras' de Bankia, das que se beneficiaron tres directivos galegos. Cóntao El Diario