A CIG maniféstase nestes momentos nas sete cidades galegas e mais en Vilagarcia e Foz baixo o lema Paremos o PP! Non ao saqueo do pobo. Existen alternativas. Rescatemos os nosos dereitos.
![](https://praza.gal/media/cache/live_image/xornal/uploads/falase/foto/506dd22ec8811-a4ybs0qcuaatr9x.jpg)
A CIG maniféstase nestes momentos nas sete cidades galegas e mais en Vilagarcia e Foz baixo o lema Paremos o PP! Non ao saqueo do pobo. Existen alternativas. Rescatemos os nosos dereitos.
UGT e CC.OO. apuntan ao 14 de novembro como data para unha nova folga xeral. Ese dia hai un paro convocado en Portugal e Toni Ferrer (UGT) vén de sinalar que "non é unha data prematura". A decisión debe ser adoptada polo Cumio Social, integrado por 150 organizacións.
Draghi di que o BCE está listo para intervir e insta a España a decidir se quere o rescate
AGAL celebrará asemblea xeral extraordinaria o vindeiro sábado 13 en Compostela. Presentarase a candidatura chamada Pola ponte, encabezada por Miguel Rodríguez Penas como presidente e con Valentim Fagime Manuel López e Ângelo Lodeiro.
As manifestacións convocadas pola CIG para esta tarde contra os recortes dos Orzamentos Xerais do Estado poderán celebrarse con normalidade, ao non estimar a Xunta Electoral as peticións do PP para vetalas.
Centos de gandeiros concéntranse ante a Xunta contra os prezos do leite e din non estar dispostos "a asinar a súa ruína" cos contratos homologados que veñen de entrar en vigor e que "non garanten un prezo mínimo". Imaxe de @Xabier_Villares
O xuiz Pedraz arquiva a causa contra os organizadores do 25-S despois de menos de tres minutos de interrogatorio a cada un dos acusados. A rede pide a dimisión da delegada do Goberno en Madrid, Cristina Cifuentes, que instigou a causa. #CifuentesDimisión é trending topic nestes momentos.
#consellodaxunta Feijóo asegura que "non vou utilizar fondos públicos para facer campañas electorais", en resposta á súa presenza no avión privado dun recoñecido millonario en Sudamérica. "Todos os fondos teñen que ser do partido ou de militantes do partido, iso foi o que fixen". "Non me parece axeitado que outros utilicen avións do exército", engade.
#consellodaxunta Feijóo repasa a súa xestión en materia de "introdución progresiva do inglés no ensino". "Imos seguir dando pasos por unha Galicia libre, por unha Galicia bilingüe", proclama.
O PP encargoulles a Los Limones a súa canción de campaña. Estrearana este sábado no mitin que o partido realizará na Praza de Touros de Pontevedra, no que participará Mariano Rajoy. O grupo xa compuxo o tema da campaña de 2009: Chegou o momento