O diario alemán Spiegel faise eco das declaracións de José Manuel Castelao Bragaña, o ex presidente do consello da cidadanía española no exterior e antigo deputado do PPdeG que dixo que "as leis son como as mulleres, están para violalas".
![](https://praza.gal/media/cache/live_image/xornal/uploads/falase/foto/50751d5637df3-image-410882-panov9free-qaed.jpg)
O diario alemán Spiegel faise eco das declaracións de José Manuel Castelao Bragaña, o ex presidente do consello da cidadanía española no exterior e antigo deputado do PPdeG que dixo que "as leis son como as mulleres, están para violalas".
Euskadi celebra o seu primeiro debate electoral, coa presenza de seis partidos políticos. O día 17 debaterán xuntos Urkullu, Mintegi, Patxi López e Basagoiti, tal e como conta Naiz.
A fuga de capitais de España e Italia pon en perigo a estabilidade da eurozona. Case 300.000 millóns de euros marcharon do Estado no último ano.
Os gobernos británico e escocés pactan que o referendo de independencia que se celebrará en 2014 terá unha única pregunta descartando a opción intermedia que demandaba o SNP. O Reino Unido cedeulle a Escocia os poderes legais para realizar a consulta. O acordo definitivo anunciarase nos vindeiros dias.
García de Paredes rexeita un acordo con Novagalicia para devolver a indemnización de cinco millóns e medio de euros que recibiu. A Fiscalía Anticorrupción reclámalle ao exdirector xeral adxunto de Caixa Galicia que devolva o 96% desa cantidade. José Luis Pego, Gregorio Gorriarán e Óscar Rodríguez Estrada tamén rexeitaron devolver os cartos.
A vitoria de Romney no debate permítelle recurtar a distancia que o separa de Obama. O candidato demócrata lidera as sondaxes por unha escasa marxe, pero segue dominando nos estados clave, coma Ohio ou Virxinia, aínda que o republicano gaña en Florida.
As manifestacións e as cargas policiais sucedéronse este martes en Atenas ante a visita de Merkel ao país, na que apoiou a permanencia de Grecia no euro.
O FMI alerta de que un atraso na solución da crise da eurozona pode provocar unha caída do PIB español do 3,2% e que a prima de risco chegue aos 750 puntos se o Goberno non pide o rescate. A entidade recoñece que calculou mal o impacto da austeridade na economía
#debate21O No bloque social Jorquera vincula o incremento de ingresos para o benestar cunha reforma do financiamento autonómico. "En todo o que mellore o financiamento autonómico vai ter ao lado ao PSdeG", di Vázquez, que aposta por incrementar en 100 millóns ao ano o orzamento para atender a dependencia.