Finalizan as manifestacións. A CIG realizou chamadas á folga xeral, que podería convocar para a primeira quincena de xuño. Na Coruña o sindicato cifra a participación en dez mil persoas (2.500 segundo a policía local), cunha asistencia meirande en Vigo. En Ferrol participaron ao redor de dúas mil persoas (imaxe via @AnaArias70)
As manifestacións de CIG e CC.OO. e UGT en Vigo, as máis numerosas de Galicia, baixo a chuvia e os paraugas
A CIG escolleu A Coruña para celebrar a súa manifestación central no 1º de maio
Tamén en Compostela, na marcha de CC.OO. e UGT (via @godial)
Participación moi numerosa nas manifestacións do 1º de maio en Ferrol (via @mouchosUGT)
As manifestacións percorren tamén as rúas de Vigo, baixo a chuvia. Os recortes dos Gobernos de Rajoy e Feijoo e o desemprego, no centro das protestas.
Ás doce do mediodía comezaron a meirande parte das manifestacións do 1º de Maio en Galicia. Na imaxe, a parte final da marcha da CIG na Coruña
Comezou xa en Vigo a manifestación convocada por CUT, CGT, CNT, STEG e SF
A Xunta presume de diálogo social na súa declaración institucional para celebrar o Primeiro de Maio.
O Goberno estuda cobrar peaxes nas autovías. O Ministerio de Fomento ten avanzado un plan para aplicar este cobro a todos os vehículos lixeiros a un prezo inferior ao das autopistas. Os camións quedarían exentos.