Basagoiti dá por rematado o pacto co PSE e pide un adianto electoral, xa que considera que o Goberno vasco está "esgotado".
Fálase
-
Os mercados responden ás eleccións gregas e francesas. A prima de risco en España sitúase ao borde dos 430 puntos básicos, cun repunte superior aos dez, mentres que o Ibex cae un 1,82% na apertura. A Bolsa de Atenas derrúbase un 7,4%, unha caída que chega ao 19% na cotización dos seus principais bancos.
O PP catalán dálle un xiro ao seu discurso e a súa presidenta, Alicia Sánchez-Camacho, asegura que a dirección estatal dos conservadores agora está disposta a abordar temas sobre os que antes "nin sentaba a falar". En Ara.
Rajoy admite que podería usar cartos públicos para sanear a banca. Di que se anunciarán "importantes medidas" neste senso o vindeiro venres
O Club Ourense Baloncesto vence ao Araberri no segundo partido da súa eliminatoria de ascenso á LEB Ouro (94-92) e sitúase a un triunfo de acceder á final da categoría, que decidirá quen sobe de categoría.
A entrada de IU no goberno andaluz preocupa aos taurinos, que lle piden a Griñán un apoio explícito ás touradas, fronte a unha coalición de esquerdas que levaba no seu programa a retirada das axudas públicas a este espectáculo e a promulgación dunha lei contra o maltrato animal.
O 15M reactiva o movemento veciñal en toda España. Reportaxe de Público.
O vicepresidente norteamericano, Joseph Biden, declarouse favorable aos matrimonios homosexuais a menos de seis meses das eleccións presidenciais
En Serbia houbo eleccións lexislativas, municipais e presidenciais. Rexistrouse un aumento da abstención e un empate entre o proeuropeísta Boris Tadic do Partido Democrático e o ultranacionalista Tomislav Nikolic, do Partido Progresista, que desputarán a segunda volta.
Tamén houbo eleccións en Alemaña, no pequeno land de Schleswig-Holstein, onde a CDU de Angela Merkel sufriu unha nova derrota e no que todo apunta a un goberno de coalición entre SPD, verdes e minoría dinamarquesa. A outra noticia estivo na irrupción do Partido Pirata, que entrou no Parlamento cun 8,2% dos votos.