Fálase

O 15M reactiva o movemento veciñal en toda España. Reportaxe de Público.

O vicepresidente norteamericano, Joseph Biden, declarouse favorable aos matrimonios homosexuais a menos de seis meses das eleccións presidenciais

En Serbia houbo eleccións lexislativas, municipais e presidenciais. Rexistrouse un aumento da abstención e un empate entre o proeuropeísta Boris Tadic do Partido Democrático e o ultranacionalista Tomislav Nikolic, do Partido Progresista, que desputarán a segunda volta.

Tamén houbo eleccións en Alemaña, no pequeno land de Schleswig-Holstein, onde a CDU de Angela Merkel sufriu unha nova derrota e no que todo apunta a un goberno de coalición entre SPD, verdes e minoría dinamarquesa. A outra noticia estivo na irrupción do Partido Pirata, que entrou no Parlamento cun 8,2% dos votos.

Eleccións en Grecia. Co 98,37% do escrutinio realizado, confírmase que non haberá maioría social-conservadora no Parlamento grego: a dereita de Nova Democracia obtén 141 escanos (+17, -14,6%) e o Pasok 48 (-112, -30,7%). Deste xeito, unha posible coalición entre ambos, xa proposta polo líder de Nova Democracia, ficaría a 2 escanos da maioría absoluta no Parlamento. Na esquerda, Syriza suma 52 (+38, +12,2%) escanos, polos 26 (+5, +0,9%) do KKE e os 19 da Esquerda Democrática (6,1%). Na dereita, Gregos Independentes faise con 33 (10,6%) e os neonazis de Alba Dourada con 21 (+21, +6,68%). Tanto Esquerda Democrática -escisión de Syriza- como Gregos Independentes -escisión de Nova Democracia- concorrían pola primeira vez a unhas eleccións. 

#twitterengalego A reivindicación tuiteira para lograr unha versión en galego desta rede social comeza forte, converténdose en trending topic estatal en apenas unha hora

Así titula Libération a vitoria de Hollande nas eleccións francesas. 

Fútbol. Resultados de Terceira.
Dorneda 1 - 1 Somozas  
Ordes 2 - 4 Cerceda  
As Pontes 5 - 2 Rápido de Bouzas  
Vilalonga 2 - 2 Bergantiños  
Alondras 1 - 1 Estradense  
Negreira 4 - 1 Racing de Ferrol  
Ourense 1 - 0 Racing Villalbés  
Cultural Areas 3 - 2 Fabril  
Lalín 1 - 5 Betanzos  
Pontevedra 2 - 1 Sanxenxo

Baloncesto. O Breogán perde ante o Menorca (80-69), que iguala a eliminatoria polo ascenso á ACB. Nos play-off para a LEB Ouro, o COB Ourense ponse 2-0 tras gañar ao Aurtenetxe na prórroga (94-92).

Deportes. Fútbol. Na Segunda B, o Lugo perde o segundo posto tras empatar co Leganés (1-1), mentres que ao Coruxo fáltalle sumar un punto para conseguir matematicamente a salvación logo de empatar tamén co Conquense (1-1). O Celta B gaña e segue con vida, mentres que o Montañeros golea pero xa está en Terceira.