Francisco Jorquera abre a xornada no Parlamento. Estréase como voceiro do BNG e dille a Feijoo que "ten os votos pero non permiso para saquer o pobo". A súa intervención foi interrumpida polas protestas contra a Xunta dos traballadores de Agader, que foron desaloxados. O debate pódese seguir aqui.
A folga dos gandeiros segue en pé á espera da decisión das asembleas, ás que os sindicatos trasladan un principio de acordo coas industrias que podería deter o paro nas vindeiras horas.
De Guindos rebaixa de 600.000 a 120.000 os beneficiados polas medidas contra os desafiuzamentos. O Goberno reduce en nove días o impacto da lei, que será votada polo PP, co apoio de UPyD.
Afectados polas preferentes reúnense hoxe con Novagalicia Banco para coñecer a quita que se lles pretende aplicar e que non aceptan. "Imos presionar e seguiremos na rúa", advirten.
As vendas no comercio minorista acumulan xa 28 meses consecutivos de descensos e caen xa un 31% dende o comezo da crise.
Descobren o meirande buraco negro estudado até agora. É tan grande que nel collerian 17.000 estrelas do tamaño do Sol.
Os traballadores de Vitrasa manifestaranse en Vigo este venres coincidindo coa terceira xornada de folga nos autobuses urbanos da cidade.
ERC apoiará a investidura de Mas e daralle estabilidade, pero non entrará no Goberno.
O Consejo Superior de Investigaciones Científicas (CSIC), que sufriu un recorte orzamentario do 30% en catro anos, necesita un rescate de 100 millóns de euros para manter a súa actividade.
A Asemblea Xeral da ONU vota hoxe para recoñecer Palestina como estado observador. Ás tres da tarde coñecerase o resultado da votación, que contará cun respaldo maioritario de cando menos 140 dos 193 membros. Opóñense Israel e Estados Unidos, mentres que o Reino Unido se absterá e España e Francia votarán a favor. Alemaña dubida entre o voto en contra e a abstención.
