A Asemblea Xeral da ONU vota hoxe para recoñecer Palestina como estado observador. Ás tres da tarde coñecerase o resultado da votación, que contará cun respaldo maioritario de cando menos 140 dos 193 membros. Opóñense Israel e Estados Unidos, mentres que o Reino Unido se absterá e España e Francia votarán a favor. Alemaña dubida entre o voto en contra e a abstención.
Remata o liderado de audiencia dos informativos de Televisión Española, cadrando coa nova dirección do ente público. A análise dos datos, en Periodistas 21
Este é o estado actual do local de AGE no Parlamento, nunha imaxe difundida polo deputado Juan Fajardo nas redes sociais.
Introducen unha solicitude de apoio ao "dereito a decidir" de Catalunya na web de peticións da Casa Branca. A petición xa leva recollidas máis de 1.000 sinaturas.
O FMI cuestiona a prórroga de Bruxelas aos bancos nacionalizados. Recomenda desmantelar "as entidades non viables" de forma ordenada, tal e como conta El Diario.
As bases de EUiA apostan por axudar a CUP a ter grupo propio no Parlament de Catalunya e propoñen ceder deputados para que a candidatura anticapitalista chegue a cinco actas.
Unha persoa inmersa nun proceso de desafiuzamento suicídase en Navarra. Así o confirmou o Tribunal Superior de Xustiza da comunidade, segundo conta Europa Press.
Kraftwerk e Pet Shop Boys encabezarán o cartel do Sónar 2013, que celebra o seu 20 aniversario e incorpora unha nova sede: Reikiavik. En Barcelona tamén se poderán escoitar a Two Door Cinema Club ou Lindstrøm & Todd Terje.
Almunia impón unha redución de tamaño de máis do 60% a Novagalicia Banco até 2017. É a condición para todas as entidades nacionalizadas para poder autorizar unha inxección de capital de 37.000 millóns. Máis información, esta mañá en Praza.
Hai hoxe dezanove anos celebrábase en Vilagarcía unha multitudinaria e histórica manifestación contra o narcotráfico