Fálase
- Comeza o acto de Sociedad Civil y Democracia, o partido de Mario Conde, nun Pazo de Congresos con media entrada. "Hoxe aquí imos decidir se nos presentamos ás eleccións. Hoxe estamos aquí os que non somos políticos", di a presentadora.
Chegan a Madrid as marchas que comporán, desde as 12 da mañá, a manifestación contra os recortes, que se prevé masiva. Agárdase a participación duns 10.000 galegos.
Hoxe a axenda preelectoral está inzada de actividade política. Esta mañá o PSdeG presenta as súas listas, o BNG aproba as súas en Consello Nacional e, ademais, o partido de Mario Conde resolve sobre a posibilidade de que o ex banqueiro se presente o 21-O. Pola tarde, Compromiso por Galicia celebra as súas primarias.
A reforma do Código Penal a través da que se instaurará a cadea perpetua ocupa un importante espazo nas portadas dos diarios impresos de hoxe, que tamén destacan a continuación dos disturbios dos últimos días no mundo árabe
O documental N-VI, do realizador galego Pela del Álamo, obtivo o premio do público e unha mención do xurado no Festival Alcances de Cádiz
Estanse producindo manifestacións contra os Estados Unidos en varios paises musulmáns, coma Exipto, Iemen, Bangladesh ou Iraq. En Sudán foron asaltadas as embaixadas do Reino Unido e Alemaña.
A reforma enerxética, que nos últimos meses provocou un enfrontamento aberto entre os ministerios de Industria e de Facenda, queda resolta coa aprobación dunha taxa única do 6% á xeración eléctrica, sen distinguir entre tecnoloxias. Créase outra taxa para gravar o gas natural e a enerxía producida polo carbón. O Goberno decidirá agora se aumenta o recibo da luz para empresas e particulares, que se incrementou nun 7% e nun 4% nas dúas últimas revisións.
A Asociación Internacional de Estudos Galegos (AIEG), que está celebrando en Cardiff (Gales) o seu X Congreso, vén de elixir a Débora Campos como nova presidenta.
#CMin O Código Penal tipifica "expresamente" a "convocatoria" de actos "para a comisión dun delito" e "sanciónanse os actos de incitación a desordes graves"
#CMin O Consello de Ministros aproba o plan hidrolóxico da bacía Galicia-Costa