O proxecto para cubrir a praza de touros das Ventas paralízase, de momento, despois do derrubo da cuberta esta madrugada. Polo de agora, gastáronse xa catro millóns de euros.
Fálase
Navantia asegura que non se construirá o dique flotante en Ferrol. Véñeno de asegurar os directivos da compañía na comisión de seguimento que se está a celebrar entre protestas dos traballadores.
O presidente do Parlamento Europeo cre "vergonzosa e lamentable" a taxa de paro xuvenil de España. Asegura que reducir esas cifras debe ser a prioridade das políticas comunitarias.
Castellano quere vender Novagalicia este mesmo ano pero sen poxa. Pretende unha privatización aos investidores que cre que pode atraer para o proxecto, segundo conta El Confidencial.
A Plataforma das Artes Escénicas celebra unha asemblea aberta ás portas do Salón Teatro para debater a grave situación do sector
Besteiro presiona para que o congreso do PSdeG se celebre antes do verán. Apremia a Pachi Vázquez e di que apurar as datas "é o sentir maioritario do partido" “A interinidade non beneficia o PSOE nin a sociedade", aclara o presidente da Deputación de Lugo.
PSdeG, AGE e BNG anuncian unha "resposta conxunta, firme e contundente" se a presidenta do Parlamento non "rectifica" a decisión de prohibirlles aos grupos convidar a cidadanía aos plenos da Cámara. Máis información sobre a comparecencia conxunta e a resposta do PP, esta mañá en Praza.
Os mozos autónomos pagarán cotas de 50 euros durante os seis primeiros meses. Inclúese dentro dunha estratexia do Goberno contra o paro xuvenil.
As protestas veciñais provocan a suspensión do pleno do Concello de Vigo, que ía aprobar os orzamentos. Adiántao Faro de Vigo. Iimaxe de @galizacig.
Sindicatos e Novagalicia Banco volven reunirse esta mañá nas negociacións polo ERE. A xuntanza volverá coincidir cun paro de media hora en todas as oficinas entre 12 e 12.30.