O paro aumentou en novembro en 74.296 desempregados, un 50% máis que en novembro de 2011, polo que o número de persoas inscritas nas oficinas de búsqueda de emprego se sitúa en 4.907.817, un novo récord.
Fálase
Un grupo de militantes do PSdeG crean o colectivo Por un novo socialismo galego para reclamar a renovación do partido e rexeitar que o congreso do vindeiro ano "se cociñe dende a actual cúpula". Participan, entre outros, Iván Puentes, Antón Louro, Gonzalo Diz, Ana Domínguez, Sonia Verdes, Xaquín Fernández Leiceaga ou Rosa Méndez.
Unha afectada polas subordinadas péchase nun caixeiro de Gondomar para pedir que lle devolvan os cartos. Outros prexudicados fan quendas para apoiala.
A prensa catalá critica con dureza o proxecto de reforma educativa. El Periódico denuncia que "Wert relega o catalán a cuarta lingua escolar" e Ara fala de "Golpe de Estado contra o catalán na escola".
A Nasa revela en rolda de prensa os avances do seu robot Curiosity en Marte e afirma que polo de agora non atopou material orgánico ningún pero salienta que todos os instrumentos funcionan á perfección
Gómez Noya e Iván Raña cargan contra a Federación Española de Triatlón. "Trafican co noso suor; están usando os nosos éxitos para promocionarse", din. Cóntao Pontevedra Viva.
Paradores pechará os seus establecementos de Ferrol e Verín. Adiántao El País.
Serxio Iglesias gaña o Eusebio Lorenzo Baleirón de poesía coa obra Viaxe ao interior da fenda. O autor de Corcubión recibirá o galardón o vindeiro 15 de decembro en Dodro.
A CIG reivindicou esta mañá a necesidade dun novo convenio para o sector do comercio cunha acción de protesta en dúas tendas viguesas do grupo Inditex, nas que traballadoras e traballadores do sector mercaron roupa para, a continuación, devolvela.
Universidades galegas e portuguesas poñen en marcha un premio de xornalismo literario para homenaxear a Teixeira Pascoaes e Vicente Risco