Persoal de Extel concéntrase contra o ERE que prevé despedir 205 persoas na Coruña. O alcalde, Xulio Ferreiro, e representantes de BNG e En Marea apoian a mobilización. "Faremos todo o posible para defender os postos de traballo", di o rexedor.
Fálase
-
José Luis Baltar declara este xoves como investigado -antiga imputación- na instrución que se segue contra o seu fillo polo presunto ofrecemento de emprego a cambio de sexo. Terá que responder por presuntos delitos de suborno e tráfico de influencias.
#LandRoberFeijóo Feijóo acode ao programa Land Rober da TVG. Nunha das primeiras incursións da canle pública no humor político nos últimos anos, o presidente en funcións tivo que abordar preguntas sobre a súa vida persoal e política ou admitir que descoñece algúns dos espazos e personaxes referencia da Galega.
A quebra do PSOE tras a operación para tombar a Pedro Sánchez pecha de vez a posibilidade dunha maioría no Congreso alternativa á de Rajoy.
O Banco Popular confirma o ERE co que prevé despedir un de cada catro traballadores en Galicia. A maioría das organizacións sindicais convocan xa mobilizacións para o vindeiro 8 de outubro.
O 'número dous' do PSOE anuncia a convocatoria da Executiva Federal do partido como paso previo a un Comité Federal e a un Congreso Extraordinario. César Luena advirte de que a dimisión de 17 membros da dirección non implica a saída de Pedro Sánchez. "É o secretario xeral elixido polos militantes", e "non caben atallos nin golpes para dirixir o PSOE", resalta.
A presidenta da xestora do PSdeG expresa o seu apoio a Pedro Sánchez. Pilar Cancela considera, en declaracións a Europa Press, que as dimisións en bloque para tombar o secretario xeral do PSOE son "unha tolería" e "un suicidio" para o partido.
Puigdemont anuncia un referendo de autodeterminación en setembro de 2017 con ou sen acordo co Estado. Máis información en Catalunya Plural.
Os críticos presentan as sinaturas para destituír a Pedro Sánchez á fronte do PSOE. A dimisión da metade máis un dos membros da Comisión Executiva forza o cesamento da dirección federal, incluído o secretario xeral, e obriga a crear unha xestora.
El Diario entrevista Pedro Sánchez, que afirma que "Felipe González está no bando da abstención, eu estou no bando do voto en contra a Mariano Rajoy para crear un Goberno alternativo. A min gustaríame saber en que bando está Susana Díaz"