Un equipo científico estadounidense logra corrixir embrións humanos para eliminar unha enfermidade do corazón. Este fito científico vén de ser publicado pola prestixiosa revista Nature
Fálase
-
O Concello da Coruña tenta este xoves desbloquear a convocatoria de folga de limpeza da empresa Cespa nunha xuntanza co comité da mobilización, formado só polo secretario do sindicato STL. Cóntao La Opinión
O Congreso do Brasil salva a Temer do proceso de xuízo político por corrupción. O que fora un dos principais impulsores da destitución de Dilma Rousseff levaba semanas a ofrecer diversas vantaxes económicas a deputados que avalaron a súa permanencia no cargo. Está a contalo Carta Capital
Os sindicatos do transporte desconvocan definitivamente a folga de autobuses tras pecharen un acordo salarial coa patronal. A mobilización estaba suspendida dende mediados de xullo tras o preacordo de centrais sindicais e patronal, que vén de culminar no marco do Consello Galego de Relacións Laborais. Avánzao Europa Press na súa web.
A xustiza anula a licenza da mina de Cementos Cosmos na Cova Eirós de Triacastela. Consulta aquí toda a información
Unha nova fenda de seguridade do Ministerio de Xustiza deixa ao descuberto 11.000 documentos sobre o funcionamento interno de sistemas sensibles como LexNet. É unha exclusiva que revela El Confidencial
A CRMH da Coruña pide a ilegalización da Fundación Francisco Franco pola apoloxía da ditadura que di que fará coa xestión das visitas ao Pazo de Meirás. Toda a información, esta tarde en Praza.gal.
As inscricións nas oficinas de emprego descenderon en 7.794 en Galicia no mes de xullo, ata as 181.871; son 13.586 menos que hai un ano. As afiliacións á Seguridade Social incrementáronse no mesmo mes en 16.721, unha suba interanual de 22.625. O descenso do paro rexistrado en termos absolutos é o maior entre as comunidades autónomas. Consulta aquí toda a información
O alcalde de Palas anuncia un recurso contra a súa condena por acoso laboral a unha empregada municipal. Pablo Taboada e o resto de edís condenados seguen á fronte do Concello formalmente fóra do PP, pero apoiados por outros dous concelleiros deste partido. Outros cargos electos inhabilitados por sentenza ante a que cabía recurso tiveron que abandonar o cargo inmediatamente por mor do estipulado na lei de partidos.
Galicia foi a única autonomía que reduciu a súa recadación por impostos no primeiro trimestre. Cóntao La Opinión de A Coruña