“Non existen especies demonizadas”, di a conselleira de Medio Rural, Ángeles Vázquez, para defender que o eucalipto pase das 307.000 hectáreas actuais ás 332.000 previstas no novo Plan Forestal. Vázquez interveu na rolda de prensa posterior ao Consello da Xunta para divulgar un informe propagandístico sobre o estado de tramitación actual do novo documento.
Feijóo tras a reunión con Pedro Sánchez: “Os galegos somos xente leal, non utilizamos cuestións partidistas cando estamos nas institucións”. O presidente da Xunta agarda que as boas palabras se convertan en feitos e di que as prioridades galegas non mudaron.
Colectivos feministas convocan mobilizacións para o serán deste venres en repulsa polo asasinato dunha muller na Coruña a mans do seu marido. A Delegación do Goberno central para a Violencia de Xénero confirmou que se trata dun "asasinato de xénero", segundo resaltou nun comunicado (preme na imaxe para a ampliares).
Así é o distintivo que terán que portar en Galicia os vehículos alugados en servizos como Uber ou Cabify. A Xunta vén de empezar a tramitar a orde que regulará estes elementos identificativos para coches de alugueiro con condutor, cuxo texto poder ser consultado aquí.
O Consello da Cultura Galega dixitaliza o fondo histórico do desaparecido semanario A Nosa Terra. O acordo asinado este xoves abrangue todos os números da publicación, da que xa se poden consultar os primeiros 26 na web do CCG.
O xuíz Llarena rexeita que lle entreguen a Puigdemont para xulgalo só por malversación e reprocha á xustiza alemá a súa "falla de compromiso". Recólleo eldiario.es. Retira, ademais, a euroorde contra o resto de dirixentes independentistas que permanecen no estranxeiro.
Marea de Noia celebra hoxe un acto pola retirada da medalla de ouro que o Concello outorgou ao ditador Franco. O partido rexistrou xa unha moción para a supresión destas honras ao xeneral fascista.
Un home acoitela a súa esposa na Coruña. A muller padecía unha doenza en fase terminal, segundo informa La Opinión
O Consejo Jacobeo, órgano de coordinación das comunidades autónomas polas que pasa o Camiño, aprobou este mércores o logotipo oficial do Xacobeo 2021 a proposta da Xunta, que xa o rexistrara hai unhas semanas.
As irmás Maruxa e Coralia Fandiño Ricart, As Marías, volveron ser homenaxeadas este 18 de xullo na Alameda compostelá, onde vén de ser instalado un novo monolito para lembrar que elas e a súa familia foron vítimas da ditadura franquista. A mullerenaxe foi impulsada dende a libraría de mulleres Lila de Lilith e contou con intervencións como a da historiadora Encarna Otero. Neste espazo podes coñecer máis sobre a súa historia. (Imaxe: Lila de Lilith)
