O alcalde de Muras, Issam Alnagm, reivindica en Lugo que o "verdadeiro PP é o de Fraga" e non o dos actuais dirixentes conservadores, aos que cualifica de "yeyés". Recólleo El Progreso.
Fálase
O proceso de rexistro dos dominios .gal comezará "nuns días", segundo revelou Manuel González (presidente da Asociación Punto Gal) nas xornadas A mediación cultural en Internet, celebradas onte no Consello da Cultura Galega. O proceso de rexistro de dominios será gradual e por niveis até a fase final, que será o rexistro en aberto para calquera interesado en particular.
A actriz María Bouzas será o Premio Pedigree 2014 no Festival de Cans. Os Chimpíns de Prata, agora chamados Premio Pepe Puime (en homenaxe a un dos veciños máis implicados na organización do festival) serán para a veciña Divina Campos e o actor e guionista Juan Ibáñez “Trancas” de El Hormiguero.
GCiencia ofrece un retrato de Eduardo Chao, científico, xornalista, historiador e ministro de Fomento, e o primeiro que usou mapas de isóbaras, un dos primeiros meteorólogos. Contaba cn observatorio no alto da Casa do Concello de Vigo.
Un vídeo analiza a "desproporcionada actuación" da policía durante a manifestación dos mariñeiros do cerco. GzVídeos amosa imaxes e achega testemuños sobre as polémicas cargas dos antidisturbios en Compostela.
Galicia aumenta a capacidade de pesca da xarda pero o cerco insiste que non arranxa o problema se non se cambian os criterios de reparto de cota. O acordo do Goberno con Noruega e as Illas Feroe aumenta a capacidade de 1.450 toneladas a 3.400.
A liorta entre a banca e Damn polo convenio pon Pescanova ao borde da liquidación. Os bancos traballan na compra dos activos se entran en venda; queren recuperar 1.000 millóns de débeda, pero Carceller "só" ofrece 700.
O diñeiro que a sanidade pública paga á privada creceu un 52% en dez anos. A utilización de medios privados para as súas redes de saúde, que xa representa o 10% do gasto sanitario público español.
O alcalde de Pedrafita deixará o PSOE e a Deputación, pero non o Concello tras ser imputado na trama de retirada de multas de Lugo. Cóntao La Voz de Galicia.
3.000 traballadores de Navantia Ferrol marchan en manifestación até Fene, ao vello estaleiro de Astano (hoxe Navantia Fene), para subliñar a "parálise" que vive aquela factoría e advertir do "perigo" de que se “astanice” todo o sector naval da ría ferrolá. Foto: Susete