O alcalde de Pedrafita deixará o PSOE e a Deputación, pero non o Concello tras ser imputado na trama de retirada de multas de Lugo. Cóntao La Voz de Galicia.
Fálase
3.000 traballadores de Navantia Ferrol marchan en manifestación até Fene, ao vello estaleiro de Astano (hoxe Navantia Fene), para subliñar a "parálise" que vive aquela factoría e advertir do "perigo" de que se “astanice” todo o sector naval da ría ferrolá. Foto: Susete
AGE censura a expulsión do seu deputado Juan Fajardo do pleno do Parlamento por referirse aos "regalos da hostia" dos que, segundo consta nas gravacións da Pokémon, falou a voceira do PP, Paula Prado.
Fállase o certame Lingua de namorar, convocado pola Dirección Xeral de Xuventude e a Secretaría Xeral de Política Lingüística, e no que participaron un milleiro de mozos e mozas. As mensaxes gañadoras pódense ler na páxina do concurso.
Os mariñeiros do cerco abandonan a reunión coa Xunta por participar nela a conselleira do Mar, Rosa Quintana, sen antes retirar o cualificativo de "vándalos" contra o conxunto dos traballadores que se mobilizaron.
Un vídeo denuncia que este xoves 13 terá lugar unha deportación masiva de senegaleses. Estas deportacións, nas que nalgúns casos as persoas expulsadas son sedadas, realízanse deste xeito para aforrar custes e grazas a un convenio asinado con Air Europa en 2012. En protesta con estes "voos da vergonza" creouse tamén o hashtag #DeportacionMasivaNo
O delegado do Goberno central, Samuel Juárez, defende as cargas policiais contra os mariñeiros do cerco e cualifica de "prepotentes" os deputados do BNG que foron zarandeados e increpados polos antidisturbios. Recólleo Galiciaé
A Xunta suma a conselleira do Mar á xuntanza de Alfonso Rueda cos mariñeiros do cerco. Os traballadores rexeitaran a Quintana despois de cualificalos de "vańdalos".
Esgotadas as prazas do tren galego das Marchas da Dignidade do 22M, que xuntarán en Madrid columnas de manifestantes chegadas de todos os territorios do Estado contra as políticas dos gobernos do PP e da troika.
A Asociación de Actores e Actrices de Galicia homenaxea Xosé Manuel Olveira Pico, falecido o ano pasado, co Premio de Honra Marisa Soto, que será entregado na cerimonia dos María Casares, que se celebrará o 27 de marzo no Teatro Rosalía de Castro da Coruña.