O alcalde de Amoeiro dálle á Igrexa "ata o 20 de xullo" para que lle pague o Imposto de Bens Inmobles ao Concello. En El Diario.
Fálase
O Ibex derrúbase por baixo dos 6.100 puntos por primeira vez desde abrir de 2003 ao caer un 2,6%. A prima de risco sitúase en 539 puntos.
Un estudo de Avante Medios, sobre datos do EGM, analiza os hábitos de consumo de prensa impresa, radio e televisión dos galegos en función dos seus ingresos. As clases altas len El Mundo e El País, escoitan RNE e Onda Cero e miran La2 e LaSexta. As baixas decántanse por COPE, TVG, El Progreso e La Región.
A "morneza" que Rubalcaba está a amosar no escándalo de Bankia xera malestar en sectores do PSOE, segundo eldiario.es. Carme Chacón esixiulle a Rubalcaba que solicite publicamente a creación dunha comisión de investigación sobre o caso.
Suíza emite débeda a tres meses con interese negativo, dado o o atractivo que xera nos investidores na seguridade do franco suízo. É dicir, os investidores páganlle intereses a Suíza por emprestarlle cartos.
Bruxelas propón que o fondo de rescate recapitalice de forma directa á banca. O anuncio da Comisión Europea baixa de inmediato o nivel da prima de risco.
Case 1.400 familias foron desafiuzadas no que vai de ano en Galicia, segundo datos de CCOO, UGT e Rede Galega contra a Pobreza. Máis información esta tarde en Praza.
Rueda dille ao BNG que "non ten sentido a creación dun banco público" porque "xa hai un consenso na sociedade en que a xestión das entidades financeiras debe estar en mans de profesionais". Segundo o conselleiro da Presidencia e secretario xeral do PPdeG as "nefastas consecuencias sobre o panorama financeiro español" viñeron dadas pola "xestión política", neste caso do gobernador do Banco de España.
Bruxelas pide a España que suba o IVE e que acelere a xubiliación aos 67 anos. A Comisión Europea aposta por que o Estado suprima os tipos reducidos e asegura que lle dará un ano máis ao Goberno para reducir o déficit se se compromete a facer máis axustes.
Duras protestas dos traballadores de Navantia en Ferrol. Uns 4.000 operarios da empresa principal e das subcontratas concéntrase na cidade departamental, onde se escoitan ruído de petardos e onde xa se rompeu algún cristal. Varios traballadores invaden a sede da Xunta.