Folga de traballadores públicos no Reino Unido. Máis de 400.000 funcionarios manifestaranse esta tarde en Londres contra os recortes e axustes do Goberno británico.
Fálase
O PSOE amósase a favor da nacionalización de Bankia, aínda que pide ao Goberno que negocie as condicións coa oposición. IU, pola contra, rexeita a medida e pide "unha nacionalización total".
O Goberno cita ao PSOE para explicarlle os plans para Bankia, da que o Executivo controlará o 45% tras a súa nacionalización parcial.
Estes xoves faise oficial, coa súa publicación no DOG, o cesamento de Dolores Galovart como vicevaledora do pobo. Galovart dimitiu tras as declaracións do Valedor sobre a Lei de Dependencia e os recortes.
Máis Galiza apoia as manifestacións convocadas polo 15M e polos traballadores do naval de Vigo para este sábado, lamenta a coincidencia de horarios e pide "unidade de acción en defensa dos dereitos sociais e do Estado do Benestar".
A Liga Estudantil finaliza despois de catro días o seu peche na Biblioteca de Torrecedeira e inicia un diálogo co Equipo de Goberno da Universidade de Vigo
eldiario.es, o xornal dixital que nacerá en setembro, dirixido por Ignacio Escolar, abre o blog Zona Crítica, un espazo "sobre a crise política, económica e ética de España e a eurozona" e anuncia o nome de máis redactores e colaboradores. El Diario terá información local e edicións propias en Catalunya, Valencia, Andalucía, Euskadi, Galicia e Madrid.
O fotógrafo Emilio Morenatti denuncia que La Razón manipulou unha imaxe súa para a polémica portada na que atacaba os estudantes e anuncia accións legais. A orixinal era unha crítica ao poder político dos banqueiros.
Alexis Tsipras, líder de Syriza, tampouco é quen de formar goberno en Grecia, e agora será a quenda do PASOK, o gran derrotado nas eleccións do domingo. Todo apunta a que as eleccións se repetirán en xuño.
Un blog catalán compila 20 portadas infames de La Razón