Turismo negocia pagos por un vídeo de Enrique Iglesias rodado en Galicia. A Xunta prevé unha colaboración coa produtora do fillo de Julio Iglesias, ao que o Goberno de Fraga abonou 300 millóns de pesetas por ser embaixador do Xacobeo en 1993.
Fálase
-
Asturias sanciona os bancos con 'cláusulas suelo' nas hipotecas. Multa con 8.000 euros por cada crédito con condicións abusivas.
O Congreso insta o Goberno a recoñecer o Estado palestino pero sen prazos. 'Si' case unánime á proposición do grupo socialista.
A Cadena SER publica as imaxes do ex secretario xeral do PP, Ángel Acebes, co arquitecto que fixo a reforma da sede do partido, supostamente pagada con cartos en negro. Acebes asegurou ante o xuíz que non coñecía o arquitecto.
A deputada do Grupo Mixto consuelo Martínez acusa o resto de grupos de querer poñerlle "unha mordaza" por "limitar" a súa "posibilidade de intervir" na Cámara. Asegura que a proposta que lle presentou á Xunta de Portavoces inclúe renunciar a tres quintas partes do orzamento do grupo que comparte con Carmen Iglesias. Sinálao nun comunicado difundido por Cerna.
O Goberno central retén o barco de Greenpeace en Lanzarote e pídelle un aval de 50.000 euros, segundo anuncia a organización ecoloxista.
O acordo entre PP e PSOE segue sen concretar as viaxes e gastos dos deputados. Congreso e Senado publicarán unha lista global de desprazamentos pero sen detallar as actividades de cada parlamentario.
O PP amosa unha imaxe de Zapatero durante un receso dun cumio da OTAN en 2008 e outra de Rajoy abordando o tratado UE-Estados Unidos durante a xuntanza do G-20 para resumir o que os conservadores consideran "a imaxe de España antes e despois".
O colectivo de persoal da USC A Trabe protestou este martes ante o claustro da institución para rexeitar os recortes co irónico lema "ven, rescátame, son unha autoestrada". A través das redes sociais foron informando do desenvolvemento do debate.
España, entre os países da UE nos que é máis difícil conciliar a vida laboral coa familiar, segundo un recente informe do Instituto de Política Familiar. O 88,2 por cento das empresas definen totalmente o horario dos seus traballadores e traballadoras, fronte ao 65% de Francia ou Italia, o 60% de Alemaña ou o 45% de Finlandia.