O DOG publica hoxe a prórroga na vixencia dos libros de texto, de 4 a 6 anos. Esta medida da Xunta estará condicionada pola entrada en vigor da Lei Wert.
Fálase
Fernández de Sousa cre que "non procede" que el volva "á primeira liña de Pescanova". Nunha entrevista en Cinco Días, defende a viabilidade da empresa e critica a actuación da CNMV.
A folga xeral en Euskadi e Navarra, convocada polos sindicatos nacionalistas, arranca sen incidentes. As centrais falan de "amplo seguimento".
A Plataforma Galega pola Defensa do Dereito ao Aborto concentrarase este xoves ás sete da tarde ante o Pazo de Raxoi coincidindo coa proposta que se vai presentar no Concello de Compostela contra a modificación da lei do aborto.
O FROB fixará as quitas ás preferentes a semana que vén e o canxe será entre o 17 e o 28 de xuño, segundo anunciou onte a presidenta da CNMV.
Público entrevista o xuíz Baltasar Garzón en Bos Aires, tras declarar ante a maxistrada arxentina que leva a causa polos crimes do franquismo. Afirma que "a proposta da Transición quedou vella" e que "queda aberta unha ferida. Ninguén pediu perdón en España dende os ámbitos oficiais"
O prezo dos carburantes en España subiu dende xaneiro sete veces máis que na UE.
Baróns do PSOE mobilízanse para “convencer” a Rubalcaba de que adelante as primarias. Andalucía mantén en cambio a súa posición orixinal e cre que as primarias deben ser despois das europeas.
O BNG chama a secundar masivamente as manifestacións contra a troika que esta fin de semana celebraranse en cinco cidades galegas.
A Unión Europea investiga o primeiro ministro portugués, Pedro Passos Coelho, por unha suposta fraude no financiamento da empresa Tecnoforma e da ONG Centro Português para a Cooperação con fondos comunitarios, entidades que foron dirixidas por Passos Coelho.