Ciudadanos encarga unha enquisa para decidir que fai con Cristina Cifuentes tras a polémica por como obtivo o seu máster a presidenta da Comunidad de Madrid.
Fálase
-
Lula entrégase para ingresar no cárcere tras asistir a unha misa en memoria da súa muller. O ex-presidente brasileiro está condenado por recibir un apartamento como suborno dunha construtora, pero di que vai demostrar a súa inocencia.
Marcando a diferenza, unha curtametraxe de dez mulleres xitanas de Santiago dirixida a todas as mulleres, xa pode verse na rede e aquí mesmo. Lurdes, Pilar, Amparo, Verónica, Saray, Dolores, Sabrina, Rebeca, Encarna e Tamara contaron coa axuda da Asociación Galega de Reporteiros Solidarios (Agareso), a Fundación Secretariado Xitano, o Concello de Santiago e a Obra Social laCaixa.
Puigdemont pide ao Estado que mude de estratexia e permita a investidura de Jordi Sànchez, agora no cárcere. O president cesado apela ao diálogo co Goberno central na súa primeira rolda de prensa tras ser posto en liberdade.
A manifestación do persoal da Xustiza contra a Xunta recorre a esta hora as rúas de Santiago cunha alta participación malia a chuvia. Aquí a información ampliada.
O PSOE pide ao Rey que anule o ducado de Franco que reclama a súa neta. Os socialistas din que o monarca debe despoxarse de “vestixios do pasado” que o conectan co ditador.
O libro Fariña seguirá secuestrado ata que se celebre o xuízo contra o seu autor, Nacho Carretero, e os editores, fixado para o 21 de xuño. A editorial, Libros del KO, lamenta o prexuízo económico que lle está a supoñer.
O Parlamento de Galicia entrega as súas medallas a Cáritas, Aldeas Infantís e Cogami no día en que se cumpren 37 anos do Estatuto de Autonomía.
O reitor da URJC confirma a fraude no máster de Cristina Cifuentes. Javier Ramos recoñece que a acta da suposta defensa do traballo da presidenta madrileña non existe
Triunfa en Fene a moción de censura promovida polo Partido Popular, co apoio de Somos Fene. O popular Gurmersindo Galego accede á alcaldía en lugar de Juventino Trigo (BNG). En outubro un primeiro intento de moción de censura fora suspendido ante as sospeitas de transfuguismo dos edís de Somos Fene. Toda a información, esta tarde en Praza.
