Alfonso Rueda afirma que o futuro de Feijóo está "en Galicia" e avoga por unha "reflexión interna e ordenada" no PP. O vicepresidente da Xunta -e teórico substituto de Núñez Feijoo se este dá o paso á política estatal- sinala que os cambios que se produzan na formación deben ser "pilotados polos órganos do partido"
La Opinión entrevista Xulio Ferreiro: "Non sei se haberá coalición cos socialistas pero creo que sería bo buscar a estabilidade". O alcalde da Coruña salienta que "co novo goberno ábrese unha oportunidade en moitos sentidos"
Eldiario.es analiza nunha reportaxe os nomes tradicionais que están a piques de desaparecer. A media de idade dos Florentinos, Ciprianos, Felisas ou Gregorias rolda os 70 anos. Isto contrasta coa crecente puxanza doutros, como Leo, Enzo, Noa ou Valeria, entre os dez máis habituais en Galicia nos últimos anos.
Nós TV entrevistou Rubén Lois, que foi elixido esta semana vicepresidente da Unión Xeográfica Internacional, converténdose no primeiro galego en ocupar o posto
Máis dunha ducia de altos cargos galegos deixarán os seus postos de forma inmediata tralo cambio de Goberno no Estado, comezando polo delegado do Goberno e os subdelegados provinciais.
O novo goberno catalán pendura unha faixa coa frase "liberdade presos políticos e exiliados" no balcón da Generalitat
Pedro Sánchez promete o seu cargo de presidente ante o rei e Rajoy, sen crucifixo nin Biblia. É a primeira vez que un presidente de Goberno prescinde destes dous elementos relixiosos. Tamén en Galicia o crucifixo foi desaparecendo das tomas de posesión
Pedro Sánchez tomará posesión este sábado ás once da mañá como presidente do Goberno
A Asociación Cultural Avelino Díaz e os alcaldes de Riotorto e Meira promoven a candidatura deste poeta para o Día das Letras por terceiro ano consecutivo. "Un Día das Letras permitiría dispoñer dos medios necesarios para localizar os 851 poemas inéditos de Avelino, así como a súa inxente produción xornalística", destacan.
Terbutalina, Agoraphobia, The Lákazans, Eladio y los seres queridos ou Ángel Stanich, no cartel do Surfing the Lérez neste 2018. O festival, presentado este venres, celébrase o vindeiro 16 de xuño na Illa das Esculturas de Pontevedra. Recólleo Pontevedra Viva
