Grecia anuncia "grandes problemas" se non hai acordo sobre o seu rescate o luns. "Poden imaxinar como reaccionarían os mercados e a opinión pública grega se logo de tantos anos de austeridade os europeos non dan o prometido", advirte Sturnaras, ministro de Finanzas.
Fálase
O xornal portugués Público analiza a campaña de 'crowdfunding' contra a tauromaquia na Coruña e destaca que xa conseguiu máis da metade dos cartos necesarios.
A empresa que xestiona o Palacio de Congresos de Madrid decide suspender a homenaxe ao ditador Francisco Franco que se ía celebrar no recinto. En El Diario
O cumio no que os socios da UE negociaban os próximos orzamentos rematou esta noite sen acordo. Sobre a mesa está a posibilidade de que o Estado español perda uns 20.000 millóns de euros, nunhas contas especialmente relevantes para sectores como agro e pesca. Na Cadena SER.
O ex presidente Emilio Pérez Touriño presentou onte as súas memorias baixo o título O futuro é posible. Trátase dun volume crítico con parte dos dirixentes socialistas da época no que, ademais, considera que PSdeG e BNG teñen que tecer unha "cultura de coalición no día a día". En El País.
A xuíza Pilar de Lara mantén imputado o alcalde de Lugo, Xosé López Orozco, tras unha declaración de cinco horas. A maxistrada non lle impuxo fianza ningunha ao socialista, que asegurou deixar todo "aclarado" e se "reafirmou" na súa inocencia.
Este venres Pere Tobaruela comezará a publicar a súa novela Sempre perden os mesmos no seu blog nun proxecto literario pensado para a rede.
Orozco asegura que acude "moi tranquilo" a declarar como imputado no caso Pokémon para responder "a todo" para que "se coñeza a verdade". O alcalde de Lugo chegou ao xulgado ás cinco da tarde acompañado de varios concelleiros socialistas, entre outras persoas que se achegaron para amosarlle o seu apoio.
O TSXG anula o artigo do decreto do plurilingüismo que veta o ensino do galego en Infantil, segundo anuncia A Mesa. Toda a información, nuns minutos en Praza.
A Eurocámara rexeitará un orzamento cun recorte de 80.000 millóns. O Parlamento advirte que as contas son "pouco ambiciosas" e que serán vetadas pola Cámara europea.