Expertos alertan de maior risco de incendios durante o verán en Galicia por mor das intensas chuvias da primavera. Recólleo Faro de Vigo.
Fálase
VÍDEO O PP amosa un gráfico manipulado no debate de TVE para gabarse do seu gasto social. O partido tamén o difundiu en Twitter, pero despois borrouno e publicou unha nova versión, con desproporcións pero coas barras que representan valores inferiores máis pequenas que as de importes maiores.
AXENDA DE CAMPAÑA - 21 DE XUÑO
- PP: Feijóo dá un mitin no Pazo de Feiras de Lugo ás 19:45, con varios candidatos.
- En Marea: A coalición organiza un acto sobre pesca pola mañá en Vigo e ofrece un mitin ás 19:00 en Vilagarcía, na Praza da Peixaría.
- PSdeG: Leiceaga visita unha adega en Cenlle e remata o día con mitin en Carballo, ás 20:30 no Fórum.
- BNG: Pontón fai campaña na Rúa pola mañá e participa no mitin central ás 20:00, no auditorio Afundación de Vigo.
- Ciudadanos: O partido instala carpas informativas pola mañá en Lugo e mais en Ourense.
Ciudadanos corrixe o seu voceiro de ciencia, que avalou nunha entrevista o uso da homeopatía. O partido afirma nun comunicado estar en contra das pseudociencias.
Sánchez advirte de que Pablo Iglesias "non cumpre os requisitos básicos" para ser apoiado polo PSOE como presidente. Afirmouno nunha entrevista en Onda Cero que recolle eldiario.es
Tes prognóstico para o 26X? Podes amosalo na 'porra' electoral de eldiario.es, agora con dous niveis, básico e experto.
'Dorribo, o campión esquecido'. José Manuel Freire traza en El Progreso un perfil do presunto líder da trama Campeón que, lembra, chegou a ser "idolatrado" por boa parte da sociedade lucense.
Medra a emigración laboral en Galicia: Marchan 50.000 persoas e veñen 27.500, segundo datos que debulla Faro de Vigo
AXENDA DE CAMPAÑA - 20 DE XUÑO
- PP: Feijóo participa nun almorzo informativo con Baltar e á tarde ofrece un mitin co ministro de Sanidade en Santiago.
- En Marea: A coalición celebra un acto sobre parques de bombeiros públicos á mañá e celebra ás 20:00 mitin na Estrada.
- PSdeG: Leiceaga fai campaña na Coruña e remata o día cun mitin no anfiteatro dos Condes, en Monforte.
- BNG: Pontón visita Pontevedra pola mañá e ás 20:00 participa no mitin central de Ferrol, na Praza do Inferniño.
- Ciudadanos: Albert Rivera visita o porto de Vigo este mediodía.
Mariña Patrimonio, Cultura do País e ADEGA levaron a cabo unha plantación simbólica de eucaliptos na muralla de Lugo para denunciar os danos que a industria madeireira provoca no patrimonio arqueolóxico.